中年好聲音4｜鄭家聲跳唱《拒絕再玩》！被譚耀文狠批舞步太零碎？

壓軸登場施展舞技 唱功獲讚極穩定

作為壓軸表演者，鄭家聲一出場便施展其最強舞技，配合《拒絕再玩》的強勁節拍，成功帶動全場氣氛，贏得觀眾的掌聲與喝采。評審譚耀文亦大讚他在激烈舞動的同時，依然能保持音準，是一件非常困難的事，肯定了他出色的唱功。儘管舞蹈部分有爭議，他依然憑穩定的整體表現獲得91分。

譚耀文周國豐狠批舞步：唔夠Sexy兼太雷同

然而，評審們對鄭家聲的舞步卻有保留。當年同樣在《新秀》以這首歌表演的譚耀文直言：「今晚你啲舞步好零碎，未令我好享受咁跟住你跳，可能要再Soft啲、Sexy啲。」而周國豐則更尖銳地指出，他今次的舞步與之前跳唱《翻騰》時太過相似：「呢隻歌嘅Mood唔係《翻騰》嗰個Mood，啲舞步唔應該同《翻騰》太過相似。」

網民意見兩極：跳得好好喎！定係要轉下風格？

節目播出後，網民對評審的意見反應兩極。有支持者認為：「跳得好好喎，又要跳又要唱仲想點？」、「我覺得好有活力，唔明點解話零碎。」但亦有網民認同評審的看法：「聽完評判講再睇，又真係同《翻騰》有啲似。」、「舞王都要尋求突破，唔可以一招走天涯，期待佢下次有新嘢睇！」