葉蒨文Sophie風騷示威激嬲曾展望GM 呷醋後炮製三大重甜「第一次」 女神驚爆：以為佢會錫我！

葉蒨文Sophie小學雞式示威 曾展望GM呷醋還原勝利手勢

在昨晚播出的集數中，女神們需在限時40分鐘內找尋心儀勇者，時間愈來愈少令葉蒨文Sophie心急如焚，幸好心繫她的曾展望GM醒目地以「愛的呼喚」大叫抽筋，成功引導女神找到自己。不過，二人甫見面即上演「小學雞」鬥氣場面，Sophie竟拿出另一位勇者Eddie所送的玉桂狗書包向GM風騷示威，更招積地「哼」了兩聲。此舉成功激起GM的醋意，他事後氣結地向製作組重現Sophie的「勝利宣戰手勢」，更直認不諱：「以你認識嘅我，都知我一定有呷醋架喇。」這場充滿童趣的互動，反而令二人的關係火速升溫。

曾展望GM火力全開獻三個第一次 Sophie甜笑：以為佢會錫我

被激起鬥志的曾展望GM，決定不再被動，為Sophie度身訂造「三大重甜第一次」，實行以真心打動女神。他不但首次為女生下廚，準備了Sophie最愛的玉桂狗飯盒及充滿二人回憶的「Give me a chance 蛋餅」，更親手自製有特殊意義的「13支浪漫金莎花束」，盡顯難得一見的心思細密。GM坦言：「咁難得嚟到學校景，想畀佢經歷吓啲中學嘅戀愛。」而最令人期待的「閉眼驚喜」環節，更令Sophie心如鹿撞，她向製作組害羞透露當時心聲：「我第一吓諗嘅，係佢會錫我，因為嗰啲（愛情）劇都係咁架嘛。」到底GM最終會否「吻下來，豁出去」，成為今晚最大懸念。