匯聚10年功力 街頭風味私房菜@Dining娜
廣告
(Presented by 豪仔記生滾粥私房菜)
最近老友約我地成班大學同學去太子食私房菜,睇見招牌--「豪仔記生滾粥私房菜」?心入面即時有100個問號,點解生滾粥都有得私房菜?究竟有咩食?即時用錦囊「打電話問老友」。原來呢間私房菜,十幾年前以生滾粥起家,近年先搬上大舖。老闆曾經做過酒店餐廳,仲將酒店fine dining概念融入,所以既有一般粵菜晚飯宵夜,亦可以向老闆預訂各種私房菜式。今個月豪仔記仲入圍咗「全港必吃食店」選擇㖭 ,忍唔住澎拜好奇心驅使嘅我,率先走咗去試菜。
特製私房菜,用新鮮海蟹、開邊蝦同石斑片加埋糯米飯一齊蒸,再加少少蒜蓉、辣椒、蔥花調味,將魚蝦蟹3種鮮味完完全全鎖入飯粒之中,令人回味無窮。
由傳統順德菜轉化而成嘅新菜式,用新鮮走地雞、盲鰽或者石斑、沙蜆熬煮,所以湯底鮮美濃郁,可以先食海鮮,再食經已入味嘅雞肉、蔬菜同菇,最後可以飲湯,鮮味一浪接一浪。
小店起家嘅蠔仔粥,食第一啖就知湯底一定有秘密。原來用咗手撕魷魚乾取代一般嘅大地魚乾,所以有一種大海嘅獨特鮮味。加上新鮮蠔仔同冬菜,真係停唔到口。
同一般椒鹽做法唔一樣,先將田雞炸好,用秘製豆瓣醬「兜一兜」再以椒鹽調味,所以田雞肉會特別彈牙兼嫩口,唔會乾。
先將超大塊嘅鯇魚腩兩面煎好,保持肉質新鮮彈牙,再猛火爆香生薑同蔥段,然後將鯇魚腩回鑊一齊炒,令鯇魚腩吸收晒薑同蔥嘅香味,而外層依然金黃香脆。
經專人服侍嘅沙蜆,落鑊前已經吐沙吐得一乾二淨。再用豆豉、新鮮紅椒、秘製辣椒醬猛火快炒,鑊氣十足,每一啖都極之惹味。
豪仔記生滾粥私房菜
地址:太子砵蘭街369號地下(顯示地圖)
電話:2320 9965
即刻投佢一票啦!
香港18區美食有甚麼推介?
新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。