私家車違泊留警告紙條：「抄我牌者X你全家」！結果超爆笑｜玩樂熱話

私家車違泊公然挑機 車頭留恐嚇紙條「抄我牌者X你全家」

這輯照片被網民不斷瘋傳，照片可見一輛黑色七人車停泊在雙黃線的行車路上，據悉，事發位置為長沙灣海達邨對開。車主涉違例泊車，卻公然挑戰法紀，在車頭擋風玻璃位放有一張爆粗紙條「抄我牌者，X你全家」，語帶威嚇意味。據悉，深水埗的交通警在昨日下午5時多發現該車違泊，已向違法七人車發出1張告票，至晚上8時許交通隊人員再巡查，發現車輛仍未駛走，遂發出第二張告票並安排拖車拖走車輛，完全「冇面畀」。

網民恥笑！

事件引起網民關注及討論，有人揶揄涉事車主「畀唔起就唔好揸啦， 搭巴士又好多的士又好搭uber又好， 好過攞自己咁大壓力同埋辛苦」。亦有唔少人指該車主留恐嚇字條，挑戰執法人員是多此一舉，最終自討苦吃，「本來唔想搞你，但見到個牌咁寫，唔搞都唔得」、「違泊仲要意氣用事，本來320」、「本來以為你好凶狠原來係豬腸粉」、「你X人，人X你系列」。

深水埗警區在facebook專頁發文交代事件，表示留意到有司機在違泊車輛車頭位置展示告示，挑戰執法人員在法例賦予下的執法權力。警方對此舉行為絕不妥協，對相關交通違例事項，深水埗警區人員會堅決採取零容忍的態度，果斷執法，同時亦呼籲駕駛者切勿罔顧公德心，違例泊車而導致阻塞及影響其他道路使用者之安全。