仁利餅家 柴火月餅！粉嶺61年老餅店 馳名$5忌廉筒＋雞仔餅｜外賣食乜好
廣告
仁利餅家柴火月餅，坊間少有，店子是粉嶺頗有名氣的老字號餅店，所有唐餅、麵包都是人手製作，例如雞仔餅、皮蛋酥、忌廉筒等。店舖即使位置偏遠，到大時大節總會有人慕名而來購買柴火月餅，是這個年代買少見少的心機之作！
仁利餅家柴火月餅 粉嶺61年老餅店 兩夫婦主理
仁利餅家於1961年創辦，至今已有61年歷史，位於粉嶺軍地村村內，需要在粉嶺站轉小巴入村才到達，位置雖然偏僻，不過仁利餅家這個老字號名字，卻吸引無數市民到訪。看落舖面像一間雜貨店，方便鄰居購買柴米油鹽，不過其唐餅、麵包才是店子的精髓。店子由傅生兩公婆主理，一間小店湊大8個子女，直到子女長大也從未退休，至今傅生傅太年過70，做餅的功夫交由過60歲的師傅製作。在沒有租金壓力的的情況下，傅生傅太打算一直做街坊生意過日神。
碩果僅存柴火月餅：白蓮蓉＋紅豆沙餡
臨近中秋，仁利餅家在六月已經開始接受中秋月餅訂單。店家所有月餅餡，如蓮蓉、豆沙、五仁、綠豆蓉都是用柴火人手炒製而成，月餅再入爐烤焗，至今已經甚少人沿用這個做法。每款餡料都有烘焙過的焦香感，吃罷齒頰留香。
最平$5：雞仔餅＋忌廉筒
中秋節仁利餅家主力製作月餅，其他日子則售賣中式唐餅，例如雞仔餅、花生餅、芝麻餅等，通通$5就有交易，其中雞仔餅受到街坊愛戴，一分為二後拉著千絲萬縷南乳餡，南乳香突出，啖啖豬油甘香；其次坊間買少見少的忌廉筒，這裡也有賣，外表酥皮製作工序繁複，加上奶油忌廉，嚓啦嚓啦的脆聲搭配著鹹香味，是童年的回憶；其他酥點如皮蛋酥、鹹蛋酥、老婆餅都同樣好吃！
仁利餅家點樣去？
可從粉嶺火車站乘搭52k專線小巴或乘搭78k、79k公共巴士，至軍地巴士站下車，詳情地址按此。
仁利餅家月餅有咩出名？
仁利餅家中式唐餅最為出名，詳情按此。
圖片來源：Instagram@foodiesgm、Instagram@instaudreyttt、Instagram@nickname_little
