舊巴變巨型喇叭 華山草地車廂開趴 【 台北 】
舊巴變巨型喇叭 華山草地車廂開趴 【 台北 】

舊巴變巨型喇叭 華山草地車廂開趴 【 台北 】

唔講唔知,台北巴士行駛滿10年就要退役,要拖去劏車場等拆骨,但最近有藝術家想到可以將錢七廢物再生,變成公共藝展場地,一口氣買入三架拆骨巴士,改建成咖啡廚房、馬騮架同巨型喇叭。大龍鳳的背後,原來是個「親民展覽」的新概念:策展團隊有感學院派的藝展太離地,與其喺藝術館內閉門造車,不如搬去平民大笪地,與眾同樂,喺日日搭、冷冰冰的巴士車廂碰撞出新玩法,所以改裝的主題亦好切合「親子野餐、閒Hea一陣」的貼地想法;由「路過停低唞唞」開始,叫你感受藝術生活。即日至12月6號,華山草地,無料登車。

台北 華山 草地 車廂 趴01
大喇叭「Boom ba la boom號」將於11月21號化身戶外音樂趴主舞台,屆時有DJ駐車打碟,免費入場!
台北 華山 草地 車廂 趴04
用巴士座椅同扶手砌出馬騮架「市民運動場號」,滿足坐巴士擒高擒低的頑童心理。
台北 華山 草地 車廂 趴02
策展人⊕真蓉:今回藝術節尚有其他「潛伏」於台北市的pop up設置,如西門町的電影公園及陽明山上的實驗廚房等,詳細資料喺官網就搵到!
台北 華山 草地 車廂 趴03
人氣最高的「城市田園號」,於11月8及28日將有巴士 阿廚即場收割烹調蔬菜,只需預約就可免費參與。

最新吃喝玩樂資訊