日落
日落

睇日落好去處!精選香港5大夕陽靚景 打卡必到!唔只西環碼頭!

香港好去處

廣告

鍾意睇日落的話,清涼的天氣絕對適合各位!除咗行山郊遊之外,記者都好鍾意四出睇日落,又靚又浪漫,今次就介紹香港5個睇日落勝地畀大家,盡情欣賞香港夕陽!

打卡必到!5大香港日落靚景

01|下白泥

日落 相信香港人對下白泥都唔陌生,呢度係新界最西面嘅地方之一。
相信香港人對下白泥都唔陌生,呢度係新界最西面嘅地方之一。(圖片來源:新假期編輯部)

相信香港人對下白泥都唔陌生,呢度係新界最西面嘅地方之一,所以出咗名可以睇到靚日落!有體力嘅話,仲可以由屯門良田坳行入去,路程大約兩小時,沿途風景都好靚。

睇完日落,記得留低等埋Magic Moment!
睇完日落,記得留低等埋Magic Moment!(圖片來源:新假期編輯部)

不過下白泥靚就靚喇,交通就比較唔方便,目前只得一架33號小巴來往元朗同下白泥。日落之後,排隊等小巴嘅人龍絕對會嚇親你,而且20分鐘先一班車,記者試過足足等咗兩個鐘先上到車呀嗚嗚!

交通:★☆☆☆☆
難度:★☆☆☆☆
靚景指數:★★★★☆

02|機場維修區

周末 日落 機場維修區
(圖片來源:西文Simon)

呢度係另一個少有可以睇到太陽從海平面消失嘅地方,完全冇高樓大廈遮掩,只要天氣符合預期,就可以影到靚靚日落!除咗日落之外,仲可以近距離睇到飛機升降。

日落 來源:西文Simon
(圖片來源:西文Simon)

記者當日由東涌踩單車去到機場維修區,都只係大約1小時,不過只有大約一半路程有單車徑,接近飛機維修區嘅路段都要踩馬路或者行人路,記住要注意安全。如果唔想踩單車,亦可以喺東涌搭S52巴士,班次都算密。呢度嘅草地亦可以影到好多靚相~

日落 記者當日由東涌踩單車去到機場維修區,都只係大約1小時。
記者當日由東涌踩單車去到機場維修區,都只係大約1小時。(圖片來源:新假期編輯部)

交通:★★★☆☆
難度:★☆☆☆☆
靚景指數:★★★★★

03|南朗山

海洋公園就去得多喇,附近嘅南朗山你又去過未?以黃竹坑巴士總站起點,15分鐘就可以去到南朗山休憩公園,再行45分鐘就可以到達山頂停機坪。近至深灣、海洋公園,遠至南丫瓜、鴨脷排、香港仔避風塘嘅景色都可以盡收眼底!

日落 海洋公園就去得多喇,附近嘅南朗山你又去過未?
海洋公園就去得多喇,附近嘅南朗山你又去過未?(圖片來源:新假期編輯部)

交通:★★★☆☆
難度:★★☆☆☆
靚景指數:★★★★☆

04|蛇嶺

近年先開放嘅蛇嶺,以往一直都係邊境禁區,所以識得嚟嘅人並唔多,由馬草壟軍營小巴站行到山頂,都只係需要45分鐘,呢個毫無阻擋嘅小山丘,絕對係睇日落嘅好地方!

日落 來源:流浪攝
(圖片來源:流浪攝)

除咗日落之外,呢度嘅夜景亦都好吸引!

日落 來源:流浪攝
(圖片來源:流浪攝)

交通:★☆☆☆☆
難度:★★☆☆☆
靚景指數:★★★★☆

05|九龍炮台山

呢個炮台山並唔係講緊港島線港鐵站嗰個炮台山,而係油塘附近嘅炮台山,又稱魔鬼山。由油塘港鐵站一出,往鯉魚門邨方向,經衛奕信徑第三段就可以到達炮台山,呢度絕對係睇維港景色嘅九龍區代表!

日落 來源:流浪攝
(圖片來源:流浪攝)

交通:★★★★☆
難度:★★☆☆☆
靚景指數:★★★★★

撰文:新假期編輯部|圖片:新假期資料室、流浪攝

圖片來源:新假期編輯部、流浪攝