3間去東京唔可以唔試嘅和式創意刨冰

記得細個暑假嗰陣天氣又熱，一路食住雪條一路睇《蠟筆小新》同《櫻桃小丸子》，每次見到佢哋坐喺寫住大大隻「氷」字嘅鋪頭前面食刨冰我就好葡萄啦！到大個咗有機會去日本旅行，就要一見到有「氷」呢個字我就會二話不說咁衝入去食返碗刨冰。不過食食吓就發覺刨冰唔係單純消暑就滿足到我，直至我遇上呢幾間刨冰店，我就明白食刨冰都係去日本最好！

「有味刨冰」ICE MONSTER JAPAN

呢間啱啱今年4月先喺表參道開張嘅ICE MONSTER原來係嚟自台灣，呢度用嘅刨冰全部都係預先調咗味，所以同一般要靠toppings同醬先有味嘅刨冰好唔同，加上喺正表參道，所以每日都有好多OL同女仔嚟排隊。

芒果棉花甜

烏龍茶棉花甜

咖啡棉花甜

ICE MONSTER JAPAN
地址：東京都渋谷区神宮前6-3-7

「天然刨冰」和kitchenかんな

日本嘅食物唔單止製作認真，就連原料材都非常之講究。好似呢間自稱用嘅刨冰全部都係嚟自日本關東一個叫日光市嘅空運天然冰，所以保證係無污染（仲肯肯定啲冰唔係用鉛水整）！

招牌紅豆刨冰，面嗰層用上手工糖醬，好似好味過平時嗰啲刨冰喎！

呢碗刨冰咁似tiramisu嘅？

海膽刨冰？

呢舊就係嚟自日光市嘅零污染冰塊啦（其實睇唔出有咩分別，不過聽完就一定食得安心啲)。

和kitchenかんな
地址：東京都世田谷区下馬2-43-10 2F

「扮晒嘢刨冰」Sebastian

對於出名多諗頭嘅日本人嚟講，刨冰又點會來來去去都係得一種外型？呢間刨冰店唔單止一樣用嚟自日光市嘅天然冰，最特別賣點就係啲刨冰睇落完全唔似刨冰，入到嚟你會以為自己去咗間專食蛋糕嘅Coffee Shop，所以入嚟之前要搞清楚你自己係想食蛋糕定刨冰呀！

我Order刨冰，你就畀個士多啤梨奶油蛋糕我，係咪玩嘢先？

侍應笑笑口咁話「無錯架啦，你切咗先啦」，點知一切，嘩！原來入面係刨冰嚟架，巧打耳呀～

做戲做全套，除咗士多啤梨之外，仲有芒果味蛋糕刨冰～

Sebastian
地址：東京都渋谷区神山町7-15-102

見到咁靚咁多口味嘅創意刨冰係咪都好想試吓呢？依家只要喺網上成功申請指定渣打信用卡，即有機會贏取HK$5,000旅遊禮券畀你免費飛去東京試晒佢哋！
立即申請

圖片來源：excitetaiwan 、shopcard 、vokka