3間原宿必Check Design手信店
有時去原宿血拼，都唔一定淨係得名牌同潮嘢買嘅！其實喺原宿有好多Design Store係好值得大家晒少少時間入去兜個圈，話唔定會意外收獲！啲product除咗啱自用，仲好啱買嚟做手信添，因為細細聲之餘好多都係喺香港搵唔到架！
「百貨應百客」Asoko
Asoko最初起源於大阪，以不停將充滿驚喜嘅設計帶畀客人為品牌概念，所以每次行入Asoko你都會發現又多咗一批未見過嘅「新面孔」，真係全靠品牌採購團隊嘅努力！不過唔好以為Design Store啲嘢一定好貴，呢度嘅product價錢可以幾貴但亦都可以好親民，無論你咩budget都一定有得揀，加上有大量exclusive產品，難怪每次入嚟都買到手軟！
由日常用品、文具到家居擺設都有，總之可以放喺屋企嘅嘢都可以搵到！
採用自助購物方式，睇啱邊樣試完覺得OK直接喺枱底拎件新嘅。
就連日本電視台都會介紹精選產品。
Asoko
地址：東京都渋谷区神宮前6-27-8
「北歐可愛教主」Flying Tiger Copenhagen
嚟到呢間嚟自丹麥，喺亞洲暫時只有日本有分店嘅Design Store門口，第一眼見到呢個黑底白字Logo感覺真係幾型，然後就好自然咁諗入面啲product應該都有返咁上下型掛？但原來品牌概念係想所有顧客一見到自己嘅設計心情就會即刻變好，所以產品大多都係行有趣搞笑路線，有啲target OL少女嘅產品仲好Kawaii添！
鋪頭入面有好多產品就咁睇個樣係唔知佢有咩用途，亦都係品牌賣點之一。
就算係普通一個鉛筆刨，都可以咁有玩味！
情侶雨衣，我就唔夠膽出街著啦，買嚟影相呃吓Like都得嘅。
Flying Tiger Copenhagen
地址：東京都渋谷区神宮前4-3-2
「漫畫連必check」Tokyo’s Tokyo
日本漫畫一直都好受世界各地人嘅歡迎，而日本當地為咗對漫畫界致敬，專登成立Tokyo’s Tokyo呢個品牌，仲以漫畫主題成為店鋪設計，加上擺滿各或各樣融合咗漫畫元素嘅創意產品，令到每個客人都會覺得自己置身喺漫畫世界一樣。
貨物陳列架用上漫畫分鏡做設計，仲加入成日喺漫畫見到嘅特別effect，感覺啲產品更加突出。
用漫畫效果做設計嘅碟，個Pancake睇落好似特別好味咁。
Tokyo’s Tokyo
地址：表参道原宿店 神宮前4−30−3
趁啲yen仲係咁平，梗係要快快手去多轉東京掃貨啦！依家網上成功申請指定渣打信用卡，仲有機會贏取HK$5,000旅遊禮券，慳埋張來回機票咪有更多budget shopping囉！
資料來源:
Basket Delight, Senken.jp , Ameblo.jp, flyingtiger.jp, pinterest.com, retail-square.com, timeout.jp, neatorama.com, style-arena.jp
