當年喪夫陷困境 吳浣儀獲羅蘭鮑姐出手相助

影視娛樂

廣告

演戲做人阿媽幾十年嘅吳浣儀,日前接受訪問自爆當年因為戀愛大過天,上緊位竟然劈炮唔續約,寧願走去拍拖然後嫁人,仲生咗四個仔女。後來老公患病,浣儀姐要拍劇養家,喺最艱難嘅日子好彩有好姊妹鮑姐(鮑起靜)、羅蘭姐借錢畀佢度難關,得人恩果千年記,佢到今時今日都好感恩。

原文刊於《東方新地》

後生喜愛夜蒲

面對住鬼馬嘅苑瓊丹,吳浣儀仍展露揹笑嘅一面。
面對住鬼馬嘅苑瓊丹,吳浣儀仍展露揹笑嘅一面。
講到後生時嘅往事,吳浣儀好肉緊。
講到後生時嘅往事,吳浣儀好肉緊。

吳浣儀日前應好友苑瓊丹邀請,亮相香港開電視節目《開工大吉77》訪問,暢談多年演藝生涯嘅點滴,浣儀姐話自己當年係夜之女「喜愛夜蒲」,更即席示範舞姿:「苑仔話我嗰樣老老實實,但佢唔了解後生嘅我,當年我都係會周圍玩,收工要去『蒲』㗎,去飲嘢、跳舞之類,跳得好勁添,我係鍾意去玩!年青時有人讚我幾靚,加上讀書時有做過舞台劇,覺得自己鍾意做戲,見到電視賣廣告,又冇咩做咪試吓考訓練班,諗住唔得㗎,點知又過晒關,所以話真係整定嘅!」

吳浣儀當年為家庭毅然放棄事業,點知好景不常,痛失愛人後非常悲傷,但諗到四個年幼仔女,仍撐住身體照顧屋企。
吳浣儀當年為家庭毅然放棄事業,點知好景不常,痛失愛人後非常悲傷,但諗到四個年幼仔女,仍撐住身體照顧屋企。

浣儀姐喺73年參加無綫藝員訓練班入行,入行初期都係做二打六閒角扮茶客,翌年就被選中飾演《朱門怨》嘅三少奶迅速走紅,大受力捧,星途一帆風順:「因為我以前又曳又惡死,所以角色都叫做番我自己,好自然就發揮到囉!去到75年我因為『嬲』而離開電視台, 當年都算年輕,做咗兩年公司突然搵你做啲閒角,加上唔小心NG就會有說話聽『唉,冇船過海啦!』,而我又剛開始拍拖,咁咪唔鬼做囉!」她表示愛情成為離巢動力,否則唔會太衝動拒續約:「當年另一半都冇話養起我,但拍極都係閒角,由朝等到晚都未埋位,阻住我拍拖嘛!總之都係任性啦!做嘢冇諗過後果,跟住就轉咗去佳視,點知最後執埋,咁我咪走去結婚囉!」

74年拍嘅《朱門怨》飾演三少奶,惡形惡相嘅吳浣儀話角色只係做番自己,此劇令佢一炮而紅。
74年拍《朱門怨》飾演三少奶,坐喺度惡形惡相嘅就係浣儀姐,而企喺度嗰個就係二少奶盧苑茵,浣儀姐話角色只係做番自己,此劇令佢一炮而紅。
吳浣儀與同期出道嘅Madam盧苑茵一齊受力捧,不過吳浣儀拍拖大過天,竟然覺得拍劇阻住佢拍拖,後來更因一時之氣劈炮唔續約。
吳浣儀與同期出道嘅Madam盧苑茵一齊受力捧,不過吳浣儀拍拖大過天,竟然覺得拍劇阻住佢拍拖,後來更因一時之氣劈炮唔續約。
吳浣儀為老公醫病花盡積蓄,曾經窮到連樓都抵押埋,細仔嗰陣得12歲,三個女又未出身,嗰段時間真係好辛苦,最後更要問朋友借錢度日,幸好有有鮑起靜幫助,仲有羅蘭借出20萬。
吳浣儀為老公醫病花盡積蓄,曾經窮到連樓都抵押埋,細仔嗰陣得12歲,三個女又未出身,嗰段時間真係好辛苦,最後更要問朋友借錢度日,幸好有有鮑起靜幫助,仲有羅蘭借出20萬。

老公病逝孭起頭家

當年浣儀姐24歲就下嫁經營旅行社嘅老公,其後生咗三女一子,一家六口幸福滿滿,佢亦樂於做少奶奶照顧仔女,直至87年佢重返無綫拍《季節》,之後又因亞視高薪挖角再離巢,不過好景不常,浣儀姐老公患上肺癌,為咗醫病耗盡所有積蓄,可惜到05年都係撐唔住病逝。嗰段期間浣儀姐一邊照顧家人,另一邊廂拍劇養家,成為人生最艱辛的日子:「當時真係唔做唔得,仲要問鮑姐、羅蘭姐借錢過難關,要拍劇還債!不過我好得意,自身嘅事唔會點喊,要面對囉!後來丈夫過身,好在一直都有戲拍可以養家,當時好忙都冇時間理啲子女,但好在佢地依家都好OK!」

吳浣儀與鮑姐識於微時,二人情同姊妹,當知道浣儀姐喪夫,鮑姐即出手幫助。
吳浣儀與鮑姐識於微時,二人情同姊妹,當知道浣儀姐喪夫,鮑姐即出手幫助。
羅蘭姐亦係浣儀姐嘅恩人,當年借出20萬畀佢應急,喺當年真係好大筆錢。
羅蘭姐亦係浣儀姐嘅恩人,當年借出20萬畀佢應急,喺當年真係好大筆錢。

 

近期浣儀姐因為疫情而閉關,但佢仍期待好劇本降臨:「依家有戲拍咪拍囉,不過我係冇攞獎命㗎,當年都恨過吓想攞,依家都想嘅!但呢啲都係整定,最緊要開開心心、身體健康,睇開啲唔好轉牛角尖囉。」拍攝期間臨近苑仔生日,浣儀姐專程買蛋糕慶祝,但反被苑仔「嫌棄」:「我叫浣儀唔好客氣啦,唔好買蛋糕啦,直接封利是畀我算啦,點知佢話我俗氣!又大一歲啦,唔好問我幾大年紀啦,我地都係第一次慶祝生日,非常難得!」已經65歲嘅浣儀姐,依家仔大女大其實可以享清福,不過佢仍然好鍾意演戲,所以未有退休大計。

浣儀姐笑言入行四十幾年都未做過女一,多年嚟都做專業阿媽,當年喺《孖仔孖心肝》演星爺阿媽令人留下深刻印象。
浣儀姐笑言入行四十幾年都未做過女一,多年嚟都做專業阿媽,當年喺《孖仔孖心肝》演星爺阿媽令人留下深刻印象。
浣儀姐曾經喺《五個小孩的校長》中有出色演出,現實中佢都係有四個孩子嘅單親媽媽,母兼父職獨力養大仔女,自認「虎媽」嘅佢拍劇幾忙都親自督促子女嘅功課,到中學時先放手畀佢哋自由發展,仔女全部都係香港大學畢業,大女係社工,二女係飛機師,三女係獸醫,細仔就喺電訊公司做嘢。「一門四傑」令浣儀姐非常自豪。
浣儀姐曾經喺《五個小孩的校長》中有出色演出,現實中佢都係有四個孩子嘅單親媽媽,母兼父職獨力養大仔女,自認「虎媽」嘅佢拍劇幾忙都親自督促子女嘅功課,到中學時先放手畀佢哋自由發展,仔女全部都係香港大學畢業,大女係社工,二女係飛機師,三女係獸醫,細仔就喺電訊公司做嘢。「一門四傑」令浣儀姐非常自豪。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地