【#網絡熱話】｜樓上鄰居晾咸魚團

【#網絡熱話】｜樓上鄰居晾咸魚團
＝＝＝＝＝＝＝＝＝＝＝＝＝＝＝＝＝＝＝＝
炎炎夏日咁好太陽，梗係要曬下衫啦！不過如果唔曬衫仲有咩可以曬？就係咸魚喇！其實曬咸魚本身冇咩問題嘅，但如果喺你屋企出面曬又點呢？話說最近有位網民就分享佢樓上鄰居，掛咗堆咸魚喺窗外，而啲咸魚味更不斷飄入網民屋企，搞到屋企成陣味，網民大叫好臭！不過幸好佢唔係曬蝙蝠啫，但咁樣曬咸魚都好影響人㗎！依家咁好太陽，小編建議呢位鄰居可以拎啲咸魚出去曬，順便曬埋自己，享受下日光浴嘛！