KAKAO FRIENDS藝術館登陸沙田 免費入場！化身盞鬼名畫＋6大得意打卡位＋期間限定店/300款限定商品！
廣告
KAKAO FRIENDS藝術館登陸沙田！韓國人氣卡通KAKAO FRIENDS今次化身盞鬼世界名畫，將於2021年3月23日至5月2日期間，登陸沙田新城市廣場，場內有多個趣怪打卡位，同時仲有期間限定店，發售多達300款限定商品，粉絲必去掃貨呀！
撰文：GW ｜來源：相關機構
免費入場！沙田開KAKAO FRIENDS藝術館
6大趣怪打卡位/期間限定店＋300款限定商品
韓國卡通KAKAO FRIENDS人氣一向爆棚，可愛的外表配上搞怪的性格，深得不少大人小朋友的喜愛，今次一眾KAKAO FRIENDS就融入多幅著名博物館的名畫，當中有Ryan、Apeach與一眾朋友調皮亂闖《創造亞當》、《戴珍珠耳環的少女》等多幅名畫及自畫像，超鬼馬呀，Fans必打卡！
KAKAO FRIENDS一向走可愛得意路線，盡得大人小朋友歡心，今次沒鬃毛的獅子Ryan、可愛的桃子Apeach、鴨子Tube、鼴鼠Jay-G、扮兔子的醃蘿蔔Muzi、小鱷魚Con、貓貓Neo及狗仔Frodo亂闖藝術館，「復活」世界名作之外亦悉心為大家準備6大搞怪打卡位，鬼馬十足等你來留倩影，伴你反轉復活節！另外仲有300款限定商品，粉絲要掃啦！
