menu
Clockenflap

Clockenflap香港2026|演出陣容/門票/時間表/地圖/交通一覽

香港好去處

廣告

亞洲頂級國際戶外音樂及藝術節 Clockenflap 將於 2026 年 12 月 4 至 6 日強勢回歸中環海濱活動空間。今年大會啱啱公布咗完整音樂陣容,仲有全面升級嘅美食區,食、玩、聽歌都絕對係全年最chill嘅週末體驗。到底今年有咩重頭戲?即刻為你逐一解構!

終極音樂陣容火熱出爐 中外神級單位雲集

Clockenflap  (圖片來源:官方圖片)
(圖片來源:官方圖片)

今屆Clockenflap陣容極之有睇頭!最新公布嘅週日晚重頭壓軸名字,就有糅合hardcore、punk同另類搖滾嘅神級樂隊TURNSTILE,佢哋由地下樂團躍升成同代最具影響力現場樂隊之一,將會為香港樂迷帶來獨家壓軸演出。至於週六壓軸就有Paramore主唱兼搖滾巨星HAYLEY WILLIAMS,而週五就由新生代Alt-R&B寶藏歌手KESHI坐鎮。

華語樂迷同樣有福,極具代表性嘅創作女歌手陳綺貞時隔十年再度回歸Clockenflap舞台,真係聽到入心入肺!另外仲有邪典folk rock二人組五條人、Digicore先驅JANE REMOVER、本地後崩人氣樂隊南洋派對N.Y.P.D.、Acoustic pop歌姬黃妍CATH WONG、華語流行創作歌手HUSH等。加上早前公布嘅QUEENS OF THE STONE AGE、SLOWDIVE、HYUKOH同KIM GORDON等傳奇名字,陣容頂級,保證由朝high到晚。

Clockenflap  (圖片來源:官方圖片)
(圖片來源:官方圖片)

全面升級美食樂園 歎熱辣米線兼飲冰凍生啤

去音樂節又點少得醫肚?今年會場全面升級化身熱鬧非凡嘅美食樂園,首次登場有由美國運通全力支持嘅「AMEX GOURMET CLUB」,網羅全城人氣高企嘅星級餐飲品牌。最驚喜嘅係,譚仔國際再度以官方合作夥伴身份強勢回歸,齊集譚仔香港米線、譚仔雲南米線及譚仔三哥米線。試諗下喺中環海濱嘅熱鬧氣氛之中,一邊睇神級Live,一邊歎熱辣辣嘅米線,絕對係超難忘嘅體驗!

另外,會場仲有7-Eleven首間音樂節便利店,隨時買到經典思樂冰、地道小食同冰凍飲品補充能量;官方飲品合作夥伴嘉士伯亦會全天候供應透心涼嘅生啤同特飲,幫大家喺穿梭各大舞台之間解渴降溫。

Clockenflap  (圖片來源:官方圖片)
(圖片來源:官方圖片)

門票現已於官方購票平台Ticketflap,以及大麥、貓眼公開發售。成人三日週末票價錢為港幣2,180元,單日票為港幣1,380元;18歲以下三日週末票則為港幣1,680元,單日票為港幣980元。完整節目時間表同場地平面圖將於稍後公布,大家記得密切留意啦。

Clockenflap  (圖片來源:官方圖片)
(圖片來源:官方圖片)

圖片來源:官方圖片

Close

投票支持你嘅心水食店,
即送可口可樂®或無糖可口可樂®汽水換領券!