誠品尖沙咀新店開幕佔地近兩萬呎+75米閱讀長廊

Jul 2 2026

放假想搵個地方Chill下兼吸收文化氣息？誠品生活尖沙咀店已經正式登陸The ONE喇！新店佔地近兩萬呎，唔單止有超震撼嘅75米閱讀長廊，仲引入咗多個本地同國際生活品牌，由文具、茶飲到首飾都有。

近兩萬呎木系空間必影75米閱讀長廊

一入到誠品生活尖沙咀店，就會感受到經典溫潤嘅木質主調設計，感覺好舒服。最大賣點一定係首創嘅「75米閱讀長廊」，被超過15萬冊中外文書籍環繞，涵蓋人文、藝術、設計同攝影等種類，文青必愛！行到攰，仲可以去窗旁嘅閱讀角落，一邊睇書一邊俯瞰九龍公園景致，喺鬧市中享受慢活節奏。

多元生活提案齊集人氣茶飲與文創品牌

除咗睇書，新店仲有好多好行嘅專區。好似以童話森林為主題嘅「誠品兒童館」、網羅全球好物嘅「誠品風格文具館」，同埋匯聚台灣風味嘅「誠品知味」。商場仲集結咗12個本地及國際品牌，包括全港首間「漫山語」茶飲、本地攝影「FOTOMETA」、日系選品「MIJ」同經典文具「Moleskine」等。鍾意精緻飾物嘅朋友，亦可以去「Cherelle」同「Michelle Yuen Jewelry」等珠寶品牌尋寶，包保你揀到心頭好。