共享空間
共享空間

盤點6大共享空間推介 最平每小時$7起!免費茶飲零食/獨立充電位/落地大玻璃/24小時工作室/手工咖啡

香港好去處

廣告

共享空間|雖然Work From Home(WFH)已成打工仔生活常態,但並唔係每個人屋企都適宜長期工作,記者為大家精選咗6大共享空間,價錢最平每小時$7起,有得任用Wifi及無限充電之餘,仲可以享用免費茶水間,加埋落地大玻璃景觀,可以邊睇靚景邊工作,效率自然大大提升,即睇推介!

盤點6大共享空間推介

Work from hone日日要對住屋企四幅牆做嘢都咪話唔辛苦,其實香港都有唔少共享空間比初創人士及打工仔專注工作,環境舒適寧靜之餘亦相當有特色,更可以任用Wifi及無限充電,到訪前毋須預約,收費亦相當彈性,其中更有共享空間提供24小時工作室,無論WFH人士定Freelancer都可以隨時都可以搵到合適嘅空間!

1.「Desk-one 溫室」 分店最多最方便

「Desk-one 溫室」分店遍佈全港,包括銅鑼灣、旺角、荃灣、沙田、灣仔及北角,住港九新界各區都可以搵到最就腳嘅分店!店內設計感十足,主打溫室風格裝潢,環境舒適寧靜,亦免費提供咖啡、花茶及零食,更有微波爐、租借投影機、打印及掃描等服務,平日收費每半小時$22,全日$128。

共享空間 「Desk-one 溫室」分店遍佈全港,住港九新界各區都可以搵到最就腳嘅分店!
「Desk-one 溫室」分店遍佈全港,住港九新界各區都可以搵到最就腳嘅分店!(圖片來源:FB@Desk-one溫室)
共享空間 場內裝潢主打溫室風格。
場內裝潢主打溫室風格。(圖片來源:FB@Desk-one溫室)
  • 地址:銅鑼灣/旺角/荃灣/沙田/灣仔/北角(分店詳情
  • 時間:星期一至日11am-1030pm
  • 平日收費:半小時$22、3小時$88、全日$128
  • 網站:按此
  • Facebook專頁:Desk-one溫室

2.「Wooder Space 木.讀」日系榻榻米座位

「Wooder Space 木.讀」同樣位於人來人往嘅觀塘區,環境以日本禪風為主題,座位有別於一般自修空間,除咗特色梯級座及相當舒適嘅豆袋梳化,場內更設2至6人用嘅榻榻米房間,設計感十足,打卡一流,更有種置身於日本和室嘅感覺!做嘢做到攰仲可以喺雜誌及書籍區借閱書本,即使唔係WFH,嚟呢到放鬆心情都係唔錯嘅選擇~

共享空間 「Wooder Space 木.讀」環境以日本禪風為主題,好似去咗日本一樣!
「Wooder Space 木.讀」環境以日本禪風為主題,好似去咗日本一樣!(圖片來源:FB@ • 讀 Wooder Space)
共享空間 榻榻米座位好Chill~
榻榻米座位好Chill~(圖片來源:FB@ • 讀 Wooder Space)
  • 地址:觀塘巧明街116-118號萬年工業大廈10樓D1室(顯示地圖
  • 電話:5543 6687
  • 時間:星期一至日10am-10pm
  • 平日收費:1小時$35、1.5小時$53、3小時$85、全日$115
  • 網站:按此
  • Facebook專頁:木 • 讀 Wooder Space

3.「Somewhere 森程」森林風特色打卡位

「Somewhere 森程」有九龍及銅鑼灣2間分店,以大自然及森林作為設計概念,希望透過放鬆人類五感去提升學習及工作效率,設有唔同主題嘅區域,其中橙色洞穴空間外型最有特色,工作之餘仲可以打埋卡!場內設吊椅、4人及6人桌等座位,無論工作定開會都適用。店內亦有免費自助補給站提供咖啡、茶飲及小食,平日收費每小時$38,全日$138。

想不到在共享空間也有特色吊椅打卡位!
共享空間都有特色吊椅打卡位!(圖片來源:Somewhere官方圖片)
Somewhere共享空間其中一大賣點,就是這個外型如同森林神秘洞穴的空間,鮮艷的橙色看起來十分提神!
「Somewhere 森程」其中一大賣點,就係呢個如同森林神秘洞穴的空間,鮮艷嘅橙色外型夠晒「IG-able」!(圖片來源:Somewhere官方圖片)
  • 地址:銅鑼灣希慎道壹號3樓301室(顯示地圖)/九龍太子道西352號薈學坊1樓全層(顯示地圖
  • 電話:2389 6968/2389 6026
  • 時間:星期一至日10am-9pm/10am-10pm
  • 平日收費:1小時$38、3小時$88起、全日$118起
  • 網站:按此
  • Facebook專頁:Somewherehk.costudy

4.「Pen House 文房」 夜貓24小時工作室

「文房 Pen House」位於新蒲崗工廈區,糅合書店及共享空間,裝潢以木系色調為主,充滿文青氣息,更有24小時工作室,即使凌晨都可以到訪,非常適合半夜工作嘅彈性上班族!場內有平板電腦及電腦螢幕擴充器借用等服務,亦有自助茶水間,平日收費每小時$33,全日$98,性價比相當高!

共享空間 「文房 Pen House」以木系色調為主,充滿文青氣息。
「文房 Pen House」以木系色調為主,充滿文青氣息。(圖片來源:FB@文房 • PEN HOUSE)
共享空間 24小時工作室啱晒半夜工作嘅彈性上班族!
24小時工作室啱晒半夜工作嘅彈性上班族!(圖片來源:FB@文房 • PEN HOUSE)
  • 地址:新蒲崗大有街35號義發工業大廈10樓E室(顯示地圖
  • 電話:9889 3510
  • 時間:星期一至日10am-10pm
  • 平日收費:1小時$33、3小時$88、全日$98
  • 網站:按此
  • Facebook專頁:文房 • PEN HOUSE

5.MeTime 超吸晴180度落地大玻璃

位於觀塘嘅「MeTime」位於大廈高層位置,擁有相當吸晴嘅180度落地大玻璃,早午晚都可以欣賞到窗外景致,唔少人長期WFH都會感到局促及困逼感,環境開揚嘅「MeTime」絕對係不二之選!平日收費每兩小時$30,而全日則$100,坐足全日13.5小時,除返開每個鐘$8都唔使!

共享空間 望住180度落地大玻璃工作自然更加精神~
望住180度落地大玻璃工作自然更加精神~(圖片來源:MeTime官方圖片)
共享空間 夜景都一樣咁有feel!
夜景都一樣咁有feel!(圖片來源:MeTime官方圖片)
  • 地址:香港觀塘駿業街56號中海日升中心33樓F室(顯示地圖
  • 電話:5442 2645
  • 時間:星期一至四9am-1030pm、星期五至日及公眾假期9am-730pm
  • 平日收費:2小時$60、全日$100
  • 網站:按此
  • Facebook專頁:MeTime

6.「MyBase」內藏手工精品咖啡吧

「MyBase」專為初創人士、Freelancer及學生而設,分店遍佈旺角、銅鑼灣及荃灣,設計走木系簡約風,空間寬敞開揚,透過落地大玻璃窗更可以隨時欣賞窗外街景,心情自然格外舒暢!銅鑼灣店更內藏小型精品咖啡店,即使喺共享空間工作都可以享用到駐場咖啡師手沖嘅咖啡及甜點,真係夠晒嘆!

共享空間 「MyBase」空間寬敞開揚,非常舒服。
「MyBase」空間寬敞開揚,非常舒服。(圖片來源:FB@MyBASE – The Work-Study Space)
共享空間 透過落地大玻璃窗更可以隨時欣賞窗外街景,心情自然格外舒暢!
透過落地大玻璃窗更可以隨時欣賞窗外街景,心情自然格外舒暢!(圖片來源:FB@MyBASE – The Work-Study Space)
共享空間 銅鑼灣店更內藏小型精品咖啡店,返住工都可以嘆返杯手工啡!
銅鑼灣店更內藏小型精品咖啡店,返住工都可以嘆返杯手工啡!(圖片來源:Instagram@mybasebrewlab)
  • 地址:旺角/銅鑼灣/荃灣(分店詳情
  • 電話:5916 2182/5543 7582/5990 6182
  • 時間:星期一至日10am-10pm/1030am-1030pm
  • 平日收費:半小時$25、3小時$98起、全日$138起
  • 網站:按此
  • Facebook專頁:MyBASE – The Work-Study Space

共享空間收費如何?

平日1小時單次收費約30元起,全日則由$98起。即按此睇詳情

香港有哪些共享空間適合工作?

港九新界各區也有不同的共享空間,即看:WFH必去6大共享空間推介

撰文:Icy圖片來源:相關機構Facebook、Instagram、官方圖片