錦上路
錦上路

錦上路一日遊路線!5大必到推介 貨櫃特色小鎮+摩洛哥風Cafe+菠蘿園

香港好去處

廣告

錦上路|隨着鐵路路線發展,即使係住九龍定港島嘅朋友,要去新界大西北嘅地方都變得方便咗。不過講到大西北,除咗屯門、元朗外,其實錦上路都好多嘢行㗎!食玩買甚至親親大自然都有,可以喺一個地方滿足哂你假期貪玩嘅慾望。

元朗好去處6大郊遊必去
13大情侶拍拖好去處推介

錦上路一日遊路線!5大必到推介 貨櫃特色小鎮+摩洛哥風Cafe+菠蘿園

【溫馨提示】由於本港疫情反覆,各位出發前先留意每日疫情最新消息。佩戴口罩同清潔雙手,大家遊玩時亦請保持社交距離。

1.盈匯坊貨櫃特色小鎮 特色舖頭

呢個佔地二萬平方呎嘅戶外商業街,每間舖頭嘅設計以大型貨櫃箱作主題,兼且鋪設左太陽能板供電比商業街內各舖頭使用。望落去似唔似去咗韓國呢?

錦上路 錦上路依家除咗跳蚤巿場外,又多咗個好去處啦!
錦上路依家除咗跳蚤巿場外,又多咗個好去處啦!(圖片來源:The Richfield 盈匯坊)
錦上路 貨櫃設計加太陽能板,綠色商業街就喺你眼前!驚喜嗎?
貨櫃設計加太陽能板,綠色商業街就喺你眼前!驚喜嗎?(圖片來源:The Richfield 盈匯坊)

除咗舖頭設計獨特之外,商業街內嘅設計都相當講究,例如中央設有空地、綠化式設計嘅流水園林景、四周設有長櫈等……目的都係想令嚟嘅市民放鬆下,甚至有足夠空間畀小朋友放電,就連寵物都歡迎入場。

錦上路 空間感可以話係城市人最缺乏嘅一種感覺,喺呢度絕對搵得返!坐喺度望住啲流水慢慢流動,舒服!
空間感可以話係城市人最缺乏嘅一種感覺,喺呢度絕對搵得返!坐喺度望住啲流水慢慢流動,舒服!(圖片來源:The Richfield 盈匯坊)
錦上路 四周設有長櫈畀大家休息,幾窩心。
四周設有長櫈畀大家休息,幾窩心。(圖片來源:[email protected]
錦上路 連寵物都歡迎入場。
連寵物都歡迎入場。(圖片來源:The Richfield 盈匯坊)

商店街特色舖頭

商業街由食到玩嘅舖頭都有,例如咖啡店、零食店、寵物屋、美甲店等等。無論係一家大細、情侶甚至單拖一個,都總有能夠治癒你心情嘅地方!

錦上路 叫杯野飲,坐吓享受遠離塵囂嘅感覺。
叫杯野飲,坐吓享受遠離塵囂嘅感覺。(圖片來源:The Richfield 盈匯坊)
錦上路 呢間單車鋪設施齊備,可以租可以買仲可以幫你修理添。
呢間單車鋪設施齊備,可以租可以買仲可以幫你修理添。(圖片來源:The Richfield 盈匯坊)
錦上路 要做文青不妨去呢間陶瓷工作室嘅工作坊學整陶瓷。
要做文青不妨去呢間陶瓷工作室嘅工作坊學整陶瓷。(圖片來源:The Richfield 盈匯坊)

盈匯坊

地址:元朗錦田吉慶圍236號盈匯坊(顯示地圖)
交通:錦上路B出口步行兩分鐘距離

2. 蠟燭廠變身室內市集紅磗屋

紅磚屋本身係蠟燭廠, 2007年改建成為二萬平方呎嘅室內市集,超過50間小店由紅磚砌成,有食店、畫室、花店等……而必去朝聖就有呢兩間。

錦上路 沿祠堂村嘅路牌走,村口便會見到錦田紅磚屋嘅紅白牌匾,向前行就見到相中嘅正門位置。
沿祠堂村嘅路牌走,村口便會見到錦田紅磚屋嘅紅白牌匾,向前行就見到相中嘅正門位置。(圖片來源:新假期編輯部)
錦上路 即使係室內市集,但都有足夠嘅空間感。
即使係室內市集,但都有足夠嘅空間感。(圖片來源:新假期編輯部)
錦上路 室內市集同場加映有個小花園。
室內市集同場加映有個小花園。(圖片來源:新假期編輯部)
錦上路 既然紅磚屋前身係蠟燭廠,點都要有返間蠟燭店先似樣!呢間手工蠟燭必去!
既然紅磚屋前身係蠟燭廠,點都要有返間蠟燭店先似樣!呢間手工蠟燭必去!(圖片來源:新假期編輯部)
錦上路 好多選擇呀!
好多選擇呀!(圖片來源:新假期編輯部)

紅磚屋

地址:元朗錦田錦上路祠堂村地段390至400紅磚屋(顯示地圖

營業時間:星期六、日及公眾假期 10:30am – 7:30pm

交通:由錦上路地鐵站B出口步行至紅磚屋,需時約15分鐘左右

3. 摩洛哥風Cafe

呢間喺紅磚屋入面嘅摩洛哥風Cafe,最吸睛嘅地方就係門口個室外打卡位,仿如土耳其洞穴嘅設計,配合聖母像、花草植物、木製窗戶及擺設,喺藍藍晴天嘅時候去,真係好似去咗歐洲島嶼一樣!同時呢間都係寵物友善餐廳。

錦上路 呢個位置有種別有洞天嘅感覺,彷如走入世外桃園。
呢個位置有種別有洞天嘅感覺,彷如走入世外桃園。(圖片來源:IG@dinosaurs_foodie)
錦上路 呢個打卡熱點長期都有人影緊相,無論點影都唔似係香港!
呢個打卡熱點長期都有人影緊相,無論點影都唔似係香港!(圖片來源:IG@dinosaurs_foodie)
錦上路 閨密夾定dresscode去打卡,有無搵返啲旅行嘅感覺呢~
閨密夾定dresscode去打卡,有無搵返啲旅行嘅感覺呢~(圖片來源:IG@yue0227)

餐廳提供食物種類唔算多,主要提供小食、薄餅、三文治、甜點及飲品。不過價錢都算合理,最貴嘅薄餅都只係$130,味道質素都有返咁上下。另外飲品價錢都相對平,咖啡及茶不論冷熱口味,全部都只係$35杯,反而梳打水同礦泉水最貴,要成$40杯,睇嚟今次見字都未必會飲水!

錦上路 味道酸酸甜甜幾滋味。食物平均味道不過不失,如果再大份啲就更好!
味道酸酸甜甜幾滋味。食物平均味道不過不失,如果再大份啲就更好!((圖片來源:IG@yue0227)

La Cafeteria

地址:元朗錦田錦上路祠堂村地段390至400紅磚屋(顯示地圖

營業時間:星期六、日及公眾假期 10:30am – 7:30pm

電話:2482 2188

Facebook專頁:La Cafeteria HK

Instagram專頁:@lacafeteria_hk

注意事項:
1)只接受walk in,早上10時會現場拎籌,不設預約。
2)只收現金

交通:由錦上路地鐵站B出口步行至紅磚屋,需時約15分鐘左右

4. 錦田壁畫村

到訪完紅磚屋後,再繼續向前行,去到錦田公路附近就會見到錦田壁畫村。村內有超過40幅壁畫等你哋逐一搵岀嚟,部分壁畫於民居,大家去睇同打卡嘅時候唔好騷擾到居民呀!

錦上路 當中有一幅幅以花瓣為主題嘅繪畫。
當中有一幅幅以花瓣為主題嘅繪畫。(圖片來源:新假期編輯部)
錦上路 每幅壁畫有唔同嘅風格,呢幅仲有句對聯喺度。
每幅壁畫有唔同嘅風格,呢幅仲有句對聯喺度。(圖片來源:新假期編輯部)
錦上路 超過40幅,可能一日都未必搵得晒。
超過40幅,可能一日都未必搵得晒。(圖片來源:新假期編輯部)

錦田壁畫村

地址:錦上路西鐵站B出口約3分鐘到達(顯示地圖)
交通:西鐵錦上路B出口出站,再走上對開的有蓋行人天橋,出天橋後再沿著單車路向前行不到3分鐘到達盈匯坊。

5.菠蘿園親親草泥馬

有機薈低碳農莊(Go Green Organic Farm)係全港首個菠蘿園,佔地13萬呎,有齊大草地、燒烤場、遊樂場等區域,品嘗農莊自家製新鮮嘅菠蘿小食,而且最特別嘅就係引入咗4隻草泥馬(羊駝),唔單止可以親手餵飼亦都可以輕摸合照;農莊新設多肉植物園區有過千個品種。
元朗菠蘿園農莊一日遊

錦上路 元朗菠蘿園
元朗有機菠蘿園農莊(圖片來源:新假期編輯部)
錦上路 佢哋4隻只要見到人行埋去就相當熱情,大家唔好比佢哋嘅熱情嚇親喲!
佢哋4隻只要見到人行埋去就相當熱情,大家唔好比佢哋嘅熱情嚇親喲!(圖片來源:新假期編輯部)
錦上路 區內有過千個品種。
區內有過千個品種。(圖片來源:新假期編輯部)

有機薈低碳農莊Go Green Organic Farm

地址:元朗錦田四排石(顯示地圖
前往方法:西鐵錦上路站 A 出口,步行約5分鐘。
電話:5579 2178/3489 2778
營業時間:星期一至日10am-6pm(新年期間照常營業)
收費:農莊遊套餐$150/成人、$100/小童(3歲至12歲)
單項活動或特別活動優惠收費,請參考官網(按這裡

常見問題

如何前往盈匯坊?

於錦上路B出口,大約需要步行…更多詳情…

錦上路有咩景點推介…?

其實錦上路都好多嘢行㗎!食玩買甚至親親大自然都有,包括…更多詳情…

撰文:The Richfield 盈匯坊圖片來源:新假期編輯部、The Richfield 盈匯坊、[email protected]

最新吃喝玩樂資訊