元朗好去處
元朗好去處

元朗好去處|8大必到推介:港版嵐山竹林/小農莊風野餐場/任摘日本提子

香港好去處

廣告

元朗好去處|如果你對元朗嘅印象都只係停留於「有好多牛牛」嘅話,咁就真係大錯特錯!元朗唔單止有農莊可以餵餵草泥馬,採摘新鮮水果,仲有無敵玻璃天幕露營車、小農莊風野餐場及彩虹小屋觀星營地,3日2夜都未必夠玩,今次記者一於同大家發掘呢個被低估嘅世外桃園!

元朗好去處|8大必到推介:港版嵐山竹林/小農莊風野餐場/任摘日本提子

1. 彩虹小屋觀星營地 住宿燒烤全包主題房|農樂營

農樂營露營地點位於元朗,最新推出12款全新主題露營小屋,屋內配套齊全,包括獨立洗手間、冷氣設備、電熱水煲、冷熱水沐浴裝置等。另外更提供露天營地、野餐及BBQ用戶外桌椅,費用仲包埋自選燒烤食材套餐,亦無需額外租借燒烤爐,非常方便!人均最平$460左右,就可以玩足20小時,分分鐘仲好過住酒店!營內有不同遊樂設施,包括紙牌棋盤遊戲、迷你充氣彈床、動感平衡車、卡拉OK設備、電動麻雀枱、士多啤梨園、室內2,000尺兒童遊樂室及戶外玩樂區,一家大細去渡假都可以各有節目!

元朗農樂營彩虹小屋試玩
元朗好去處 營地翻新後變成七彩小屋,啱晒打卡,遠睇差啲以為去咗外地~
營地翻新後變成七彩小屋,啱晒打卡,遠睇差啲以為去咗外地~(圖片來源:[email protected]農樂營)
元朗好去處 營地樓上可建戶外帳篷觀星,情侶住一定浪漫非常。
營地樓上可建戶外帳篷觀星,情侶住一定浪漫非常。(圖片來源:[email protected]農樂營)
元朗好去處 特大私人露營花園600呎,可設置2個露營帳。
特大私人露營花園600呎,可設置2個露營帳。(圖片來源:[email protected]農樂營)
  • 農樂營
  • 地點︰元朗牛潭尾路攸潭尾村
  • 交通:
    1. 乘搭小巴: 於元朗大馬路,「開心廣場」後福康街小巴總站乘搭37專線小巴,於總站「攸潭尾村公所」站下車(車程約15分鐘),步行約3分鐘到達營地
    2. 自駕前往: 往元朗葡萄園方向,駛至葡萄園分叉路,轉入攸潭尾村公所
    3. 乘搭的士: 於元朗西鐵站或錦上路站前往營地,車費約港幣60-70元
  • 開放時間︰星期一至日 上午9點至晚上10點
  • 電話:6606 1660 (WhatsApp )
  • 網址:https://www.wemomenthk.com/

2. 全港首個有機菠蘿園農莊 近距離親親草泥馬|有機薈低碳農莊

元朗錦田嘅有機薈低碳農莊(Go Green Organic Farm)係全港首個以菠蘿為主題嘅菠蘿園,佔地13萬呎,有齊大草地、遊樂場、蔬菜田等區域,亦可自製新鮮菠蘿小食,而最特別係早2年前引入嘅4隻草泥馬(羊駝),不但可以親手餵飼亦可以輕摸合照,趁假日不如出走元朗農莊郊遊,順便探下佢哋啦!

元朗菠蘿園農莊一日遊
元朗好去處 元朗有機菠蘿園農莊
元朗有機菠蘿園農莊,入口位有草泥馬crossover菠蘿嘅公仔,好可愛勁啱打卡呀!(圖片來源:新假期編輯部)
元朗好去處 左右兩旁都是有機菜園
左右兩旁都係有機菜園。((圖片來源:新假期編輯部)
元朗好去處 可以零距離親手餵飼,感覺奇妙,
園內有2隻草泥馬,你可以零距離親手餵飼。(圖片來源:新假期編輯部)
元朗好去處 「親親動物園」的可愛小兔子
「親親動物園」嘅可愛兔仔,同樣都可以親手餵飼。(圖片來源:新假期編輯部)
  • 有機薈低碳農莊 Go Green Organic Farm
  • 地址:元朗錦田四排石(顯示地圖
  • 前往方法:西鐵錦上路站 A 出口,步行約5分鐘。
  • 電話:5579 2178/3489 2778
  • 營業時間:星期一至日10am-6pm(新年期間照常營業)
  • 收費:農莊遊套餐$150/成人、$100/小童(3歲至12歲);
  • 單項活動或特別活動優惠收費,請參考官網(按這裡

3. 豪華露營車Staycation弧形玻璃天幕欣賞無敵美景|Park Nature

近年掀起露營熱潮,想親親大自然又怕辛苦?租露營車就啱晒你!位於元朗嘅露營車場佔地4萬呎,有萬無邊際嘅草地靚景,夜晚仲可以觀星,都真係幾chill下!車內空間約3百多呎,設2房1廳,麻雀雖小但五臟俱全,有冷氣、雪櫃、微波爐、浴室、梳化等,就連麻雀枱、Wi-Fi都有,設備分分鐘仲多過自己屋企!露營車最大賣點係主人房三面設有弧形玻璃天幕,瞓喺床上就可以輕鬆欣賞到窗外迷人景色,加上有冷氣有沖涼絕對唔洗怕辛苦,兩手揈揈就去得,非常方便。營地仲有足球、羽毛球、彈床及小型水池可借用,一家大細去都唔怕無聊!

元朗豪華露營車Staycation
元朗好去處 可以帶埋毛孩一齊玩。
現共有6款露營車,由3人車至6人車都有,當中有4款更歡迎寵物入住。(圖片來源:[email protected] VK)
元朗好去處 元朗超靚露營車!透明玻璃天幕+夜晚睇星+寵物專屬露營車|香港好去處
主人房三面設有弧形玻璃天幕,採光極佳,早上睇藍天白雲,晚上睇星,好浪漫。(圖片來源:Park Nature官方圖片)
元朗好去處 元朗超靚露營車!透明玻璃天幕+夜晚睇星+寵物專屬露營車|香港好去處
車仔設備相當齊全,有冷氣、雪櫃、微波爐、浴室、梳化等,就連麻雀枱、Wi-Fi都有。(圖片來源:Park Nature官方圖片)
元朗好去處 元朗超靚露營車!透明玻璃天幕+夜晚睇星+寵物專屬露營車|香港好去處
前新聞主播方健儀都與老公於露營車慶祝結婚十周年紀念日。(圖片來源:[email protected]方健儀)
  • Park Nature
  • 地址:元朗錦田逢吉鄉(顯示地圖
  • 電話:9694 2233
  • 收費:3人車 $1,599起;4人車 $1,999起;4-6人車 $2,399起
  • 網址:按此

4. 10萬呎果園免入埸費 任摘日本香印提子士多啤梨|朗屏士多啤梨葡萄園

冬天就快到,大熱天時唔想出街嘅朋友終於可以出動去郊外玩啦!位於元朗大棠村嘅「朗屏士多啤梨葡萄園」面積達5萬呎,夏天種植巨峰香印提子,而冬天則種植土多啤梨,到場採摘無須入場費,只需付摘到嘅磅數價錢便可,摘幾多就計幾多,豐儉由人,咁就唔洗驚食士多啤梨食到捧住個肚走啦!場內的士多啤梨品種均來自日本,分別有章姬、紅臉頰、牛奶草莓、天仙醉、佐賀清香、茉莉香、穗之香、紅寶石等,$90/磅起,鮮甜多汁,絕對唔係平時食開個種得個酸字嘅土多啤梨。加上採摘並不限時,可以係田園影足全日靚相!

元朗好去處 香印-免費-任摘-元朗-朗屏士多啤梨葡萄園
香印提子收粒粒脹卜卜,吸引好多人慕名而來。(圖片來源:新假期編輯部)
元朗好去處 香印-免費-任摘-元朗-朗屏士多啤梨葡萄園
即摘即食好爽啊~(圖片來源:新假期編輯部)
元朗好去處 喺入口位置拎完個籃就可以即刻入去田地採摘。
士多啤梨冬天先係採摘期,夏天不妨摘住提子先~(圖片來源:[email protected]
元朗好去處 採摘時要小心剪,不要太用力推開旁邊其他士多啤梨,它們正在努力生長喔。
採摘時要小心剪,不要太用力推開旁邊其他士多啤梨,它們正在努力生長喔。(圖片來源:新假期編輯部)
  • 朗屏士多啤梨園
  • 地址:元朗大棠路大棠村(牌坊後面 – 球場側)
  • 交通:如果駕車可前往大棠村,駕車人士將會看到大棠村牌坊,只要直接駛入牌坊後,就會見到停車埸可供遊人免費停泊;而如果乘搭交通工具,可以於朗屏西鐵站落車後,再乘搭K66巴士至大棠站迴旋處落車。另一方法可以於千色廣場停車場對面,乘坐紅色小巴於大棠村落車,落車後向前望將會看到大棠村牌坊,行入去向右看就是士多啤梨葡萄園。
  • 電話:9251 8926
  • 營業時間:8am-6pm
  • 入場:免費(毋須預約)

5. 必影港版嵐山竹林 行山新手輕鬆駕馭|河背水塘

元朗河背水塘行山徑簡單易行,新手都可以輕鬆駕馭,加上路程短,行完一圈約半小時,打完卡之後仲可以回程返去元朗覓食,一舉兩得!沿路有美景及樹蔭,環境清幽,中間更會途經一段竹林,勁有日本feel,猶如置身於日本嵐山竹林般!

元朗河背水塘郊遊路線
元朗好去處 河背水塘
一進水塘,左邊水面平靜,靠近欄杆望住流水,好舒服!(圖片來源:新假期編輯部)
元朗好去處 元朗河背水塘郊遊路線!一日遊懶人包+3大人氣美食店!|周末遊懶人包
中間的一段竹林,人稱港版嵐山,𣊬間去了日本般。(圖片來源:[email protected]
元朗好去處 芒草一片,配合山景,有秋天嘅味道。
芒草一片,配合山景,有秋天嘅味道。(圖片來源:新假期編輯部)
元朗好去處 由家樂徑內影出去,可影到水塘景色。
由家樂徑內影出去,可影到水塘景色。(圖片來源:新假期編輯部)
  • 河背水塘
  • 路線:元朗 河背村 家樂徑 河背水塘
  • 交通:由元朗泰衡街乘 71號小巴(車費$7.8)到河背村總站下車。
  • 時間:需時約1.5小時
  • 難度:★☆☆☆☆(上水塘條斜路有點斜,其餘輕鬆郊遊)

6. 一望無際無敵大草景 打卡必到婚紗橋|南生圍

南生圍向來都係郊遊熱點,景色優美唔洗多講,加上一望無際的大草地,令人心曠神怡。鍾意影相嘅你,必定要去打卡聖地婚紗橋影相留倩影。

元朗好去處 元朗超靚露營車!透明玻璃天幕+夜晚睇星+寵物專屬露營車|香港好去處
南生圍婚紗橋係必到打卡位,記得影返張靚相。(圖片來源:新假期編輯部)
元朗好去處 日落時更可以拍出絕美天空之鏡。
日落時更可以拍出絕美天空之鏡。(圖片來源:[email protected]_photography)
元朗好去處 元朗超靚露營車!透明玻璃天幕+夜晚睇星+寵物專屬露營車|香港好去處
景色優美。(圖片來源:新假期編輯部)

7. 靚景野餐露營場地 小農莊風打卡+戶外睇電影|有日 Farm Someday

Farm.Someday位於元朗南坑村,提供野餐和露營服務,4000呎大草地,感覺完全不像在香港!場內分別有幾個野餐位置,兩人約會或一大班朋友聚會都適合。運用野餐工具拍照,簡直一流!如果想在此露營過一晚,可以使用在場地的BBQ具及用品,還有投影機可以看電影,冷氣小屋內更有獨立廁所和熱水供應,相當方便!

靚景野餐露營場地「有日 Farm Someday」
元朗好去處 野餐 場地會提供各種拍照道具。
場地會提供各種拍照道具。(圖片來源:[email protected]
元朗好去處 野餐
(圖片來源:[email protected]
元朗好去處 野餐
(圖片來源:[email protected]
  • farm.someday
  • 地址:元朗南坑村(詳細地址預約後場地提供)
  • 價錢:
    1)Shared space/ 2小時:12nn-2pm 星期一至五$128/1人,星期六、日及公眾假期$158/1人;3pm-5pm 星期一至五$128/1人,星期六、日及公眾假期$158/1人
    2)Party/4小時(10人以上):1pm-5pm 星期一至五$168/人,星期六、日及公眾假期$188/人;6pm-10pm 星期一至五$168/人,星期六、日及公眾假期$188/人
    3)Day camp/7小時(10人以上):3pm-10pm 星期一至五$218/人,星期六、日及公眾假期$258/人
  • Camping(2日1夜/2-4人):3pm-11am 星期一至五$508/人,星期六、日及公眾假期$558/人
  • 額外費用:$30/1寵物,泊車$10/小時,$100/一晚
  • Instagram:按此

8. 向日葵花海聖地 小日本主題打卡位|信芯園

因向日葵海而聞名、近年一躍成為香港賞花聖地的「元朗信芯園農莊」除了有季節限時、五顏六色的燦爛花海外,更新設多個日本風打卡位,包括櫻花園鳥居、油紙傘、紫藤及玫瑰隧道等佈置,可以拍出日系美照!

元朗信芯園花期詳情
元朗好去處 每年太陽花節又是少女打卡的時候了。IG@seki_siki_
每年太陽花節又是少女打卡的時候了。(圖片來源:[email protected]_siki_)
元朗好去處 元朗信芯園 粉嫩調櫻花洋溢出浪漫的氛圍。
粉嫩調櫻花洋溢出浪漫的氛圍。(圖片來源:[email protected]信芯園農莊)
元朗好去處 元朗信芯園 建於水上的赤紅鳥居。
建於水上的赤紅鳥居。(圖片來源:[email protected]信芯園農莊)
  • 信芯園農莊
  • 開放時間:9am-6pm
  • 地址:新田信芯園(顯示地圖
  • 費用:入場費 $50/手帶
  • 前往方法:信芯園農莊村內沒有任何車位,請使用公共交通工具入場,由元朗前往:九巴76K、紅色小巴17、綠色小巴75、76;由上水前往:九巴76K、紅色小巴17,可以於石湖圍落車,步行5分鐘即可到達。
  • Whatsapp:96216012
  • FB:信芯園農莊

常見問題

以上活動需要收費嗎?

Glamping的營地以及有機薈低碳農莊都需要收費,價錢人均…更多詳情

活動適合有一家大少的家庭嗎?

適合,分別有靜態活動及需要體能的活動,包括…更多詳情

撰文:Icy圖片來源:新假期編輯部、官方圖片、Facebook、Instagram

最新吃喝玩樂資訊