元朗好去處一日遊10大必到推介 草泥馬/任摘日本提子/觀星營地

元朗好去處｜10大必到推介：港版嵐山竹林／小農莊風野餐場／任摘日本提子

好去處
餐廳美食

元朗好去處｜1. 彩虹小屋觀星營地 住宿燒烤全包主題房｜農樂營

農樂營露營地點位於元朗，最新推出12款全新主題露營小屋，屋內配套齊全，包括獨立洗手間、冷氣設備、電熱水煲、冷熱水沐浴裝置等。另外更提供露天營地、野餐及BBQ用戶外桌椅，費用仲包埋自選燒烤食材套餐，亦無需額外租借燒烤爐，非常方便！人均最平$460左右，就可以玩足20小時，分分鐘仲好過住酒店！營內有不同遊樂設施，包括紙牌棋盤遊戲、迷你充氣彈床、動感平衡車、卡拉OK設備、電動麻雀枱、士多啤梨園、室內2,000尺兒童遊樂室及戶外玩樂區，一家大細去渡假都可以各有節目！

• 農樂營
• 地點︰元朗牛潭尾路攸潭尾村
• 交通：
  1. 乘搭小巴： 於元朗大馬路，「開心廣場」後福康街小巴總站乘搭37專線小巴，於總站「攸潭尾村公所」站下車（車程約15分鐘），步行約3分鐘到達營地
  2. 自駕前往： 往元朗葡萄園方向，駛至葡萄園分叉路，轉入攸潭尾村公所
  3. 乘搭的士： 於元朗西鐵站或錦上路站前往營地，車費約港幣60-70元
• 開放時間︰星期一至日 上午9點至晚上10點
• 電話：6606 1660 （WhatsApp ）
• 網址：https://www.wemomenthk.com/

元朗好去處｜2. 全港首個有機菠蘿園農莊 近距離親親草泥馬｜有機薈低碳農莊

元朗錦田嘅有機薈低碳農莊（Go Green Organic Farm）係全港首個以菠蘿為主題嘅菠蘿園，佔地13萬呎，有齊大草地、遊樂場、蔬菜田等區域，亦可自製新鮮菠蘿小食，而最特別係早2年前引入嘅4隻草泥馬（羊駝），不但可以親手餵飼亦可以輕摸合照，趁假日不如出走元朗農莊郊遊，順便探下佢哋啦！

• 有機薈低碳農莊 Go Green Organic Farm
• 地址：元朗錦田四排石（顯示地圖）
• 前往方法：西鐵錦上路站 A 出口，步行約5分鐘。
• 電話：5579 2178/3489 2778
• 營業時間:星期一至日10am-6pm（新年期間照常營業）
• 收費：農莊遊套餐$150/成人、$100/小童（3歲至12歲）；
• 單項活動或特別活動優惠收費，請參考官網（按這裡）

元朗好去處｜3. 豪華露營車Staycation弧形玻璃天幕欣賞無敵美景｜Park Nature

近年掀起露營熱潮，想親親大自然又怕辛苦？租露營車就啱晒你！位於元朗嘅露營車場佔地4萬呎，有萬無邊際嘅草地靚景，夜晚仲可以觀星，都真係幾chill下！車內空間約3百多呎，設2房1廳，麻雀雖小但五臟俱全，有冷氣、雪櫃、微波爐、浴室、梳化等，就連麻雀枱、Wi-Fi都有，設備分分鐘仲多過自己屋企！露營車最大賣點係主人房三面設有弧形玻璃天幕，瞓喺床上就可以輕鬆欣賞到窗外迷人景色，加上有冷氣有沖涼絕對唔洗怕辛苦，兩手揈揈就去得，非常方便。營地仲有足球、羽毛球、彈床及小型水池可借用，一家大細去都唔怕無聊！

• Park Nature
• 地址：元朗錦田逢吉鄉（顯示地圖）
• 電話：9694 2233
• 收費：3人車 $1,599起；4人車 $1,999起；4-6人車 $2,399起
• 網址：按此

元朗好去處｜4. 10萬呎果園免入埸費 任摘日本香印提子士多啤梨｜朗屏士多啤梨葡萄園

冬天就快到，大熱天時唔想出街嘅朋友終於可以出動去郊外玩啦！位於元朗大棠村嘅「朗屏士多啤梨葡萄園」面積達5萬呎，夏天種植巨峰香印提子，而冬天則種植土多啤梨，到場採摘無須入場費，只需付摘到嘅磅數價錢便可，摘幾多就計幾多，豐儉由人，咁就唔洗驚食士多啤梨食到捧住個肚走啦！場內的士多啤梨品種均來自日本，分別有章姬、紅臉頰、牛奶草莓、天仙醉、佐賀清香、茉莉香、穗之香、紅寶石等，$90/磅起，鮮甜多汁，絕對唔係平時食開個種得個酸字嘅土多啤梨。加上採摘並不限時，可以係田園影足全日靚相！

• 朗屏士多啤梨園
• 地址：元朗大棠路大棠村（牌坊後面 – 球場側）
• 交通：如果駕車可前往大棠村，駕車人士將會看到大棠村牌坊，只要直接駛入牌坊後，就會見到停車埸可供遊人免費停泊；而如果乘搭交通工具，可以於朗屏西鐵站落車後，再乘搭K66巴士至大棠站迴旋處落車。另一方法可以於千色廣場停車場對面，乘坐紅色小巴於大棠村落車，落車後向前望將會看到大棠村牌坊，行入去向右看就是士多啤梨葡萄園。
• 電話：9251 8926
• 營業時間：8am-6pm
• 入場：免費（毋須預約）

元朗好去處｜5. 必影港版嵐山竹林 行山新手輕鬆駕馭｜河背水塘

元朗河背水塘行山徑簡單易行，新手都可以輕鬆駕馭，加上路程短，行完一圈約半小時，打完卡之後仲可以回程返去元朗覓食，一舉兩得！沿路有美景及樹蔭，環境清幽，中間更會途經一段竹林，勁有日本feel，猶如置身於日本嵐山竹林般！

• 河背水塘
• 路線：元朗 河背村 家樂徑 河背水塘
• 交通：由元朗泰衡街乘 71號小巴（車費$7.8）到河背村總站下車。
• 時間：需時約1.5小時
• 難度：★☆☆☆☆（上水塘條斜路有點斜，其餘輕鬆郊遊）

元朗好去處｜6. 一望無際無敵大草景 打卡必到婚紗橋｜南生圍

南生圍向來都係郊遊熱點，景色優美唔洗多講，加上一望無際的大草地，令人心曠神怡。鍾意影相嘅你，必定要去打卡聖地婚紗橋影相留倩影。

元朗好去處｜7. 靚景野餐露營場地 小農莊風打卡＋戶外睇電影｜有日 Farm Someday

Farm.Someday位於元朗南坑村，提供野餐和露營服務，4000呎大草地，感覺完全不像在香港！場內分別有幾個野餐位置，兩人約會或一大班朋友聚會都適合。運用野餐工具拍照，簡直一流！如果想在此露營過一晚，可以使用在場地的BBQ具及用品，還有投影機可以看電影，冷氣小屋內更有獨立廁所和熱水供應，相當方便！

• farm.someday
• 地址：元朗南坑村（詳細地址預約後場地提供）
• 價錢：
  1）Shared space/ 2小時：12nn-2pm 星期一至五$128/1人，星期六、日及公眾假期$158/1人；3pm-5pm 星期一至五$128/1人，星期六、日及公眾假期$158/1人
  2）Party/4小時（10人以上）：1pm-5pm 星期一至五$168/人，星期六、日及公眾假期$188/人；6pm-10pm 星期一至五$168/人，星期六、日及公眾假期$188/人
  3）Day camp/7小時（10人以上）：3pm-10pm 星期一至五$218/人，星期六、日及公眾假期$258/人
• Camping（2日1夜/2-4人）：3pm-11am 星期一至五$508/人，星期六、日及公眾假期$558/人
• 額外費用：$30/1寵物，泊車$10/小時，$100/一晚
• Instagram：按此

元朗好去處｜8. 向日葵花海聖地 小日本主題打卡位｜信芯園

因向日葵海而聞名、近年一躍成為香港賞花聖地的「元朗信芯園農莊」除了有季節限時、五顏六色的燦爛花海外，更新設多個日本風打卡位，包括櫻花園鳥居、油紙傘、紫藤及玫瑰隧道等佈置，可以拍出日系美照！

• 信芯園農莊
• 開放時間：9am-6pm
• 地址：新田信芯園（顯示地圖）
• 費用：入場費 $50／手帶
• 前往方法：信芯園農莊村內沒有任何車位，請使用公共交通工具入場，由元朗前往：九巴76K、紅色小巴17、綠色小巴75、76；由上水前往：九巴76K、紅色小巴17，可以於石湖圍落車，步行5分鐘即可到達。
• Whatsapp：96216012
• FB：信芯園農莊

回到目錄

元朗餐廳美食｜9. 隱世小木屋cafe｜幸福森林咖啡館

元朗有不少隱世cafe，最近就有一間全新cafe「幸福森林咖啡館」進駐到元朗下新圍村附近，深木色獨立小屋的外型設計，成功吸引不少cafe愛好者到訪。Cafe主打多款薄餅、意粉等60款美食，大廚推介班尼迪流心蛋、大蝦扁意粉及香橙美式咖啡，必試之選！

• 幸福森林咖啡館
• 開放時間：星期三至一8am-5:30pm
• 地址：元朗新田下新圍村福興里23號
• Facebook：benditocafehk

元朗餐廳美食｜10. 貼地價$8件｜明皇壽司

元朗明皇壽司可算是附近居民的集體回憶！最平每件只需$8、有多達70款選擇的明皇，不少元朗友都表示想買壽司外賣，一定會想起它！鮮味十足的花之戀、玻璃蝦、三文魚腩邊、劍魚腩壽司等，價錢貼地親民，多點幾件都得。

• 明皇壽司外帶店
• 開放時間：星期一至二 12nn-10pm、星期四至日 12nn-10pm
• 地址：元朗鳳攸南街3號好順景大廈38號舖
• Facebook：明皇壽司外帶店

回到目錄

全港不同地方好去處推介：

西環好去處｜中環好去處｜灣仔好去處｜尖沙咀好去處｜深水埗好去處｜沙田好去處｜大埔好去處｜西貢好去處｜屯門好去處｜元朗好去處｜荃灣好去處｜離島好去處｜錦上路好去處｜北角好去處｜炮台山好去處｜大坑好去處｜山頂好去處

更多好去處合集推介：

親子好去處｜拍拖好去處｜生日好去處｜室內好去處｜影相好去處｜野餐好去處｜行山好去處