Subway轉粟米杯份量超迷你！食客不滿投訴：得杯底一層粟米！

Subway轉粟米杯份量超迷你！

這名港人近日光顧Subway，點了一份6吋芝士牛扒三文治，價錢為$47，另外再加$25配套餐，包括有炸薯格及一杯罐裝飲品，不過事主就將炸薯格轉成粟米杯，總共花費$72 。當餐點來到時就發現粟米杯份量驚人，從事主附上的照片可見粟米只得一層的份量，少到直接可見杯底了，事主更懊惱自己轉粟米的決定：「後悔扮咩健康，要返薯格咪好地地」，最後不禁諷刺地說到「個杯好浪費，鋪係杯蓋嘛」。

事主感到不滿，於是有向店員反映事件，不過對方面有難色地回覆指碗內已有4匙羹的份量，事主見對方相當為難，唯有安慰自己此是該店舖的內部指引。

網民：罐頭粟米好貴咩？

帖子引來眾人關注，不少網民都怒斥粟米杯份量少得驚人，直指太誇張，「罐頭粟米好貴咩？」、「好意思叫CORN BOWL」、「好過份！下次買罐粟米有排食」、「喂雞都唔夠飽」，有人更取笑指「今朝我小朋友食開心樂園餐果杯都多過你」。亦有網民建議事主若想吃粟米，可到超市或街市自行購買，又買又抵咁話，「25蚊。。。我去超市買一罐都多過佢。。」、「25元可以買四條超甜粟~慢慢吃~」、「出面買25蚊都有4-5條」。更有網民推薦事主買Footlong包，都只是$65而已。