港人發文表態罷去QR code落單餐廳！網民意外一面倒反撐手機點餐

港人高呼罷去QR code落單餐廳

有港人就發文表示自己極度討厭QR code落單，強調支持餐廳以現金支付，更表態將會罷去用電子點餐的餐廳：「你可以唔做我生意，我都可以選擇唔去你店舖」。事主表示曾見到老人家不會用手機落單，而被店員單單打打，因此感到憤怒。事主再指出最大問題是QR code本身有很多木馬程式，食客掃完之後運作緊期間有機會被偷走電話入面的資料，相當危險。

有網民就贊同事主拍QR code落單超麻煩，「掃曲又無wifi。又要用自己手機數據同電量，畫面又細，load得，又慢又錯單，字細又無圖」，相反，若是人手落單十秒即搞掂，方便快捷。

網民列3大好處！

不過意外地大部分網民都是傾向支拎QR code落單，「成鬼日要搵人，我都寧願間間都QR CODE」、「我地哩啲打工仔1粒鐘食lunch好趕，等得到個侍應黎落單，不如自己落仲快」、「其實QR code落單仲方便啦」、「QR code落單係一個好好嘅功能，費事見L到個侍應串柒柒」。另有看透世事的網民就指出手機落單是大勢所趨，更反斥事主太落後，「現今科技萬變，懂得與時並進才是生存之道」、「做人要向前看，唔好原地踏步…..」、「QR code落單有咩難處？安心出行之後個個都識掃，淘寶網購更複雜都識撳，到餐廳撳個餐就好討厭？？？」、「咁懷舊唔好用手機啦笨！」。