港男轟Outback三成熟牛扒「好涼」 3成熟＝唔熱好正常？網民教落要咁煎！

Jun 26 2023

煎一塊好牛扒，說難不難，說易不易！由前期準備功夫、下鍋煎煮，再到上桌前都有其講究的標準技巧。不過，其實只要掌握煎牛扒時間、材料、步驟等，即使平價或急凍牛扒都可以做出和牛水準！近日有港男於社交平台分享自己到餐廳食牛扒的不愉快經歷，話題瞬即引起網民熱討，更有人教路牛扒究竟要點煎先好食！

1技巧煎出靚扒

港男轟Outback三成熟牛扒「好涼」

煎出Juicy靚牛扒不可或缺的是坊間所公認的黃金定律，例如鑊要夠熱，才能秒間把肉汁封存，做到「薄膜封面」！要食靚牛扒除了可以自煮，更方便的當然是往餐廳外食，最近有網民在「飲食黑店大全 (全港食店質素關注組)」FB 發帖文稱：「OUTBACK 幾舊水要三成熟，上菜時件嘢係涼」，直斥專售牛扒的連鎖店Outback Steakhouse價格不菲但食物質素卻未如理想，三成熟牛扒上枱時「好涼」。

牛扒港男直斥專售牛扒的連鎖店Outback Steakhouse價格不菲但食物質素卻未如理想 — 港男直斥專售牛扒的連鎖店Outback Steakhouse價格不菲但食物質素卻未如理想（圖片來源：飲食黑店大全 (全港食店質素關注組)）

Outback向來標榜其優質食材選自於美國和澳州，煮食時嚴格監管牛扒的熟成過程，務求呈現牛扒的原始風味。根據港男的描述及圖片所示，他所點的「三成熟牛扒」肥膏位佔多，血水流出，溫度「涼」、不熱。

牛扒扒房推介｜Outback Steakhouse於紥港超過20年，可是鋸扒界的大佬。 — Outback Steakhouse於紥港超過20年，可是鋸扒界的大佬，但質素未合乎網民的理想（圖片來源：Outback Steakhouse）

網民反應兩極：唔熱好正常VS三成熟其實係微暖

帖文引來眾網民熱烈討論，有大量網民反鬧事主叫牛扒三成熟已屬不智：「叫三成熟，不如全生上」、「三成熟，你不如去食牛肉刺身啦」。同時認為三成熟牛扒不可能是熱的，「咩叫牛扒「三成」熟係咩都未知」、「三成熟，但又嫌唔熱，樓主不如你試下整」、「3成熟你點解覺得件野會熱辣辣」、「3成熟，想問樓主expect 會有幾熱」、「三成熟，即係件嘢有70%都係生嘅，即是話有70%都係生肉冇受熱，由廚房上碟到拎到你面前，嗰30%唔凍埋就假啦」。

牛扒有大量網民反鬧事主叫牛扒三成熟已屬不智 — 有大量網民反鬧事主叫牛扒三成熟已屬不智（圖片來源：飲食黑店大全 (全港食店質素關注組)）

牛扒同時有人認為三成熟牛扒不可能是熱的 — 同時有人認為三成熟牛扒不可能是熱的（圖片來源：飲食黑店大全 (全港食店質素關注組)）

反之，亦有支持事主者認為餐廳有問題，「其實3成熟（Rare to MR）應該個心係微暖；Rare 即係2成熟，應該細心有小小溫度；Blue 即係1成，應該是室溫溫度。件肉太肥，做這種成數已經不合適，點會好食」、「成班笑人3成熟係唔熱好正常，你地用杯水量下50度睇下係唔係涼」、「如果塊牛無攤到溫室就直接煎（仲要煎塊咁肥既），個廚師未攤好硬煎封邊，餘溫根本唔夠去warm 到塊扒既中間，所以就會凍，我未計埋佢煎好出餐果到會唔會擺耐左，影響個成數」。

牛扒有網民留言貼圖指「上次係outback叫左5成熟，仲生過樓主」 — 有網民留言貼圖指「上次係outback叫左5成熟，仲生過樓主」（圖片來源：飲食黑店大全 (全港食店質素關注組)）

有網民教路三成熟牛扒要咁煎！反斥港男唔識貨

網民指煎三成熟牛扒「好睇個廚經驗，唔同牛既部位唔同玩法」，表示「3成熟其實好講技巧，要用曬燈，曬軟舊牛扒，又唔可以熟到過火，曬軟之後個心唔係冰嘅，然後4邊煎一煎，就可以上碟」、「正路三成係要將件肉放室溫至成件肉冇雪氣先用猛火燒香表面，就因為等嘅個過程所以三成係要等四十五分鐘左右，但就算係咁件肉都唔會熱辣辣最多係和暖，如果樓主件肉係有雪氣果種凍冰冰咁餐廳有問題。」網民指港男「唔識貨」，因為此類扒「本來就唔適合用嚟煎做3成熟」。