尖沙咀$888 Omakase港女大呻「伏中之伏」：全部係Cheap嘢｜飲食熱話

港女吃$888 Omakase大呻唔值網民：你食咗師傅嘅手工費

近日一名港女食客在Facebook群「飲食黑店大全」中發文，在光顧一間Omakase店中後大呻：「究竟食咗咩咁貴，呢啲所謂串燒omakase，收$888/位，完全無水準之餘，食材全部唔係上等食材，伏中之伏 」最後埋單兩個人要成$2,028 。網民就指：「你食咗師傅嘅手工費，店舖裝修費同服務費」、「食200蚊放題都好餸過依到」、「本來可以明打劫，還給了一餐吃的，有賺了」等。

平民級數食材＋用料 部分菜式貨不對辦

根據資料，該店是一間位於尖沙咀，主打日本串燒的居酒屋，圖片中可以看出食材有秋刀魚、雞翼、銀杏、白子、燒五花腩、燒帶子裙邊、釀冬菇、貴妃蚌、廣島蠔等，又有紅豆牛奶布丁及燒菠蘿作甜品，一共12味。事主自己就話「食了個教訓，連＄200一位都唔值」。

此外，事主在訂位時有問到菜式時，店方就指菜單中會包含牛舌、鰻魚、白子等內臟食材，其餘都是廚師發辦，一定足夠一人份量，不過當日就唔見有牛舌及饅魚。

店家稱以下是秋刀魚，但網民就話：「應該係鯖魚惠康$13」、「吉之島13蚊2條」、「雪藏鯖魚十幾蚊一條，佢仲要俾半條你」等。

網民：可以考慮向消委會投訴

由於事主一心想請朋友食生日飯，所以唔介意貴少少，但她認為菜式很失禮，覺得唔好意思，希望大家藉此可以提高警覺就算。網民：「可以報警」、「呢個真係離晒譜，真係可以諗吓消委會」、「喺香港食Omakase，廚師當你係羊牯」、「不聽蔡生言，吃……」、「嘩，888連視覺享受都無喎」等。