IG店畀錯蛋糕客人 承諾退款後反口 網民大比數撐邊一方？｜飲食熱話

IG西餅店發錯款式 一度承諾退款

事主在一間IG西餅店訂了27件蛋糕，共有6款口味，收貨後小店錯發了4件蛋糕，只得5款口味，原本4件焙茶味蛋糕，變成了黑芝麻及野莓味。事主聯繫小店，小店在電話中承諾退還4件蛋糕的金額，並叫事主在IG聯繫退款事宜。事主覺得：「間鋪係土瓜灣，我收貨地點係屯門，所以我接受咗佢話退返4件錢比我既方案。」事主晚上見未有回覆，再主動DM，小店回覆會盡快處理。

小店反口 只提供9折優惠券

可惜過了好幾天，小店都沒有主動聯繫處理，事主唯有再度追問，小店忽然反口，指錯發的4件蛋糕（黑芝麻味＄38／件，野莓味＄42／件），比原本事主柯打的4件焙茶味（＄38／件）更貴，認為「價錢上應該有多冇少」，回應「嗰四件我哋唔係冇比到，只係比錯左，而你地確實係享用左，我哋唔能夠再額外賠償返四件嘅價錢俾你」，拒絕退錢，只承諾下次再訂焙茶味有9折優惠。小店的回覆立即辣㷫事主，事主認為「個問題係貨不對辦呀嘛、唔係有多無少既問題，我訂既野同我收到既唔同呀，我唔係要求全單退錢喎，只係想錯既4件退款！」

網民大比數覺得西店有冇錯？

帖文一出後，下面網民亦有表示不同意見，大比數覺得店方有問題。發錯貨，不應由客人承受：「西店，因為自己嘅錯誤，要客人承受！」、「做錯野但啲貨一樣價值/貴就要個客硬食？」甚至覺得事主一開始接受退款已算溫和，應該要小店送回原味的口味：「我係個客就會堅持唔要錯個幾件，你拎返走，但我要返啱個啲」對小店覺得客人「確實係享用左」的態度，覺得不能原諒，認為小店好小氣：「錯味個啲roll cake就當送比個客食啦，小家到咁就執左佢啦」。

其實只要小店大方點，可以有雙贏局面：「我試過有店發錯貨但最後退錢兼唔駛我回貨，叫我請朋友食。雖然佢蝕，但我好感謝，以後多次再度幫襯，亦介紹好多朋友去買。如果店大方少少，係可以雙贏。」

小店最後退款 事主不賣帳：不是想攞著數

事性愈鬧愈大，最後IG店已退全單價錢，不過事主沒有接受全數：「店主終於退咗全單錢比我。 而我亦已退返$930 （$1082(27件蛋糕錢)-152(4件焙茶蛋糕錢)）比對方。 」認為自己不是想攞著數，只是基於原則及責任問題：「由頭到尾我都唔係想要全單退錢/要任何下次折扣或任何額外得益，只係講緊原則同責任問題。」

事主覺得小店態度有問題，才追討到底，並非想耍「逼死」小店：「我唔支持小店就唔會幫襯IG shop，小事一早解決咗就唔會咁樣。」並寄語小店：「希望佢地以後對清楚啲蛋糕，唔好再要佢地既客人承受佢地「忙」而衍生既錯誤、推返個責任去客人身上。」