港女食西營盤Hemma世一蛋糕不滿叫3件蛋糕都未達低消！食到好嬲

May 25 2023

近年巴斯克芝士蛋糕受到不少人的追棒，有網店更賣蛋糕賣到成功開地舖，門外長期有人龍。近日就有女網民去西營盤試食Hemma的超人氣神級芝士蛋糕，但吃完認為該店被「吹大咗」，更力數3大缺點，吃完表示「好嬲」，力勸網民「你哋自己諗吓食唔食啦」。

港女試食西營盤Hemma神級芝士蛋糕、力數3大缺點

近日有網友在Facebook群組「香港蛋糕關注組」上發帖，指自己近日到了西營盤超人氣蛋糕店Hemma用餐，Hemma主打出品半熟流心巴斯克蛋糕，不少網民更指是「世一芝士蛋糕」，女網友因此相約朋友一同前往「潮聖」，不過用餐體驗非常差，指「只能夠講話係宣傳做得好」，更力數蛋糕店3大缺點：

1.芝士蛋糕味道令人極失望

此店出品的巴斯克芝士蛋糕一直被評為「世一」，但樓主試食後表示失望。當日樓主與朋友一共點了3款蛋糕，但雲呢拿cheesecake「冇雲呢拿味、冇芝士味」、Oreo cheesecake「只不過係喺雲呢拿基礎上加Oreo」，沒什麼特別、最後的arl Grey cheesecake「叫做最正常嗰個，但係都係唔好食㗎啦」，認為「三件 cake唯一勝出嘅就係個口感」，稱這是「世一芝士蛋糕」絕對是誇張失實「吹大咗」。

Hemma 此店出品的巴斯克芝士蛋糕一直被評為「世一」，但樓主試食後表示失望 — 此店出品的巴斯克芝士蛋糕一直被評為「世一」，但樓主試食後表示失望（圖片來源：Facebook群組「香港蛋糕關注組」）

2.蛋糕不計算入最低消費

店內有指明最低消費，但樓主沒想過「嗌咗三件 cake 嘅情況下，仲要每人最少一杯嘢飲」才能達到最低消費的要求，質疑「即係三件cake唔算係消費，如果我唔嗌夠兩杯嘢飲，咁我啱啱嗌嗰三件 cake 係咪唔使埋單？」，覺得店舖的最低消費計法相當取巧。

Hemma 店內有指明最低消費，但被質疑計法相當取巧 — 店內有指明最低消費，但被質疑計法相當取巧（圖片來源：[email protected]）

3.極難飲「有色水」

樓主於是順應要求叫了飲品，但卻非常難飲，樓主指「未飲過咁難飲嘅『有色水』」，嘲「簡直係經典」。最後總結今餐「真係麻麻」，更指「仲要排咗成個鐘，好嬲」，力勸網民「你哋自己諗吓食唔食啦」。

Hemma 樓主指「未飲過咁難飲嘅『有色水』」 — 樓主指「未飲過咁難飲嘅『有色水』」（圖片來源：[email protected]）

網民同意「世一」誇大：唔難食但唔值得

不少網民都表示，認同樓主所講，說這是「世一芝士蛋糕」的確有誇大成份，直言「超誇大！完全唔值得排一個鐘」、「呢間真係未去到世一」、「$68/件真心唔值」；也有人批評店內規矩及問題多多：「cafe 有minimum charge 都好理解，但係依家喺逼人飲嘢」、「我之前都排咗45分鐘，不難食，但唔係去到世一，又多規舉，自己整無咁嬲」、「嘢飲好難飲又迫你嗌，staff西口西面兼漏單」；但也有網民認為去得就要接受人家的規矩：「坐得低就要接受人哋規定每人一杯嘢飲」、「餐廳最低消費嘅規定…有人揸槍隊住你去？」、「唔滿意咪第日唔去囉」。