食客不滿8號風球茶餐廳收加一服務費 網民怒轟事主冇同理心

食客不滿8號風球茶餐廳收加一服務費

從相片可見，茶餐廳於門口貼上了「由於８號風球，今日加一服務費」，不過餐廳加價就引來事主不滿，更連問多個問題暗串「業主漏夜加租？ 臨時加人工？水電費突然貴咗？」。

網民怒轟事主冇同理心

不過一眾網民就力撐餐廲，更反轟事主不近人情，「你都幾無同理心」、「人哋冒住危險都要返工煮嘢畀你食，加個一又如何？又冇人逼你食，點解要諷刺人哋？」、「一句講晒，咪L食囉，貼正門口都仲要問，攞嚟賤，畀你入去咪又係西客之霸」、「人哋8號風球都返工唔容易啊」、「如果呢啲服務費都唔接受大可以不幫襯，自己選擇唔需要post出嚟？」

有人耐心地向事主解釋當中原因，「加給上班的員工，正常」、「如果打風冇特別津貼基本冇人會肯返工，咁又點開舖收到你個加一」，更有心水清的網民指出餐廳根本就蝕著做生意：「打風碟嘢成本最少貴咗2成，收你+1已經蝕」。