港人連鎖餐廳食飯雞扒份量細得驚人！無奈呻：「迷你雞扒真係第一次見」

港人連鎖餐廳食飯雞扒份量細得驚人！

近日有港人於Faccbook群組發帖分享自己於上環海富中心的Oliver’s Super Sandwiches用餐，叫了一份早餐，當中包括香脆雞扒、炒蛋、燒車厘茄、麥包多士等。不過從事主的照片可見其中的雞扒超級迷你，事主用手做對比，只見雞扒只有事主手掌的1/3，份量細得驚人！事主都相當無奈地大呻：「正呀， 迷你雞排真係第一次見」。

網民爆笑1句：係你隻手大！

帖子引來眾多網民留言討論，有不少人都狠批現時的集團食物份量大縮水：「近年啲集團早餐真係越嚟越細，係咪啲肉貴得咁緊要呀？要咁樣縮水法？ 唔好話食呀！擺上枱比人睇都唔忍心！！！」、「一次性生意，趕客份量」、「塊雞扒嘅 size 仲細過隻蛋 」。網民的回覆超爆笑，有人搞笑地指是事主隻手大，並非是餐廳的問題，「你隻手大啫，一定係除非唔係」、「點解隻手可以咁大」；有人更讚賞廚師好刀功，「主要係食刀功，廚師想表達出細緻既刀法，可以將塊雞切到咁細」；有人笑是因為熱漲冷縮，雞扒才會縮水，「天氣凍係咁㗎啦」。

另有不少人網民指出其根本就是麥當雞而非雞扒，「你唔好呃我老花。this is 麥樂雞塊！」、「麥樂雞size」、「你唔好搵麥當勞麥麥樂雞佢扮雞扒先得㗎」、「你不如咁諗大件過麥樂鷄，咁你會開心~」、「2粒麥樂雞都可能差唔多」。