網民懷緬走鬼小販檔：聞過火水爐味番唔到轉頭！邊區仲有小販檔｜飲食熱話

Dec 20 2022

走鬼小販檔是80、90後的童年回憶，晚上宵夜時段，夜瀾人靜，走鬼小販檔卻最熱鬧，不少人在檔前排隊「等食」，份外有風味，不過此情此景都不再了。近來就有網民懷緬過去，在連登討論區大談走鬼小販檔，大家紛紛分享以前的美好回憶，懷念走鬼檔的火水味：「以前走鬼檔啲火水爐味真係聞過番唔到轉頭」想起當年的風味：「八九十年代啲走鬼檔最好食，已經食唔返了」更有前小販檔第二代分享小時候幫家人「睇水」的經歷！

前小販檔二代分享「走鬼」經驗懷緬輝煌歲月

80、90年代是走鬼小販檔的輝煌歲月，宵夜時段小販檔在各區遍地開花，好不熱鬧，成為一個小小的不夜城，街坊們踢著拖排隊幫襯，一祭在半夜餓腸轆轆的五臟府。現在走鬼小販檔都被趕絕，又或是入舖，此等輝煌歲月不再，總是令人懷緬，於是有網友在連登討論區出帖：「以前啲走鬼檔野食，味道係唔同啲」引來網民紛紛分享當年的美好回憶：「八九十年代啲走鬼檔最好食，已經食唔返了」、「細個嗰陣老豆老母唔比買，要偷銀仔一兩個星期先買到一次，大個終於有錢就無X晒」、「以前屋企個窗可以望到少少走鬼檔，成日夜晚隊個頭出去睇下開左未，好懷念」好食到連發哥都幫襯「我祖輩做開九龍城，發哥都嚟食」。

80、90年代是走鬼小販檔的輝煌歲月，宵夜時段小販檔在各區遍地開花，現在俱往已。（圖片來源：《梅艷芳》製作特輯劇照）

網民忍不住慨嘆：「以前啲木頭車，燒魷魚紅腸，魚肉碗仔翅，牛雜鹵水全部好好食，根本都未試過食到肚痛，仲記得有檔五蚊一盒西炒飯，裝到勁滿。港英時代啲嘢平民化好多， 97 後趕絕晒小販演變樣樣傾向集團經營」。更有前小販檔二代分享幫家人「睇水」，幫手「走鬼」的經驗：「以前要幫屋企係街頭街尾睇水，記得好似黃色車係市政局，白色車係房屋署，一邊睇水一邊做功課，有車上黎就即刻跑去通知大家走鬼。」

樓主連登討論區出帖：「以前啲走鬼檔野食，味道係唔同啲」懷緬過去。（圖片來源：連登討論區截圖）

走鬼網民分享幫家人「睇水」的經驗。 — 網民分享幫家人「睇水」的經驗。（圖片來源：連登討論區截圖）

難忘小販檔獨有風味網民分享各區消失中的走鬼檔

更有人懷念小販檔獨有的豬油香：「係豬油既味道」、「真，講到尾都係因為豬油，以前豉油咖喱湯底，甚至連張底紙都有豬油」、「豬油渣麵最正」連火水味也令人念念不忘：「以前走鬼檔啲火水爐味真係聞過番唔到轉頭」、「聞到啲火水爐味已經好開胃」、「火水爐陣味好似會聞上癮咁」、「一桶桶咁拎，再用泵仔抽落個火水爐到」

更引來各區街坊回想當年風味：「好懷念以前青衣長發既火焰乾炒牛河」、「牛頭角下邨球場四眼哥哥格仔餅雞蛋仔，天橋叔叔姨姨牛雜臭豆腐，真係好想食番」、「記得以前住大興村係正你住個棟樓地下𨋢大堂擺檔賣碗仔翅，魚肉湯！夠晒方便」、「啲炭爐串燒，撈埋啲沙嗲汁，真係屈機即燒即食」、「好掛住長發商場出面，新年木頭車同街檔嘅日子」、「以前樓下d串燒沙爹醬好鬼正，仲有芒果西米露」、「以前經過上水站去彩園商場條天橋，夜晚成堆走鬼檔，好旺場」、「啲炭爐串燒，撈埋啲沙嗲汁，真係屈機即燒即食」。

走鬼火水爐味令人上癮，念念不忘。 — 火水爐味令人上癮，念念不忘。（圖片來源：連登討論區截圖）

味道不同，皆因……

網民又覺得雖然餐廳、酒樓都有供應小販檔所賣的美食，味道卻大大不同：「就算呢啲檔入左舖，個味都係已經唔同左咁」於是大家都在討論風味不再的原因，車仔麵可能是因為用來煲湯底的用料不同：「我估以前係用燒味檔D餸頭餸尾＋骨去煲」而現在只是用剩下的瘦肉：「睇D人都係用D煲湯剩落嘅瘦肉整肉絲」糯米飯的味道也不再：「糯米飯嘅味道真係分別好大。木頭車賣嘅同依家酒樓，餐廳食到嘅係完全唔同味。」、「浸完水蒸糯米好食過煲飯咁煲，餐廳茶樓多數貪方便加水蒸/電飯煲煲」

連煎釀三寶的味道也不同：「就算煎饟三寳都唔同味，雖然大家都係用萬年油，但硬係有啲唔同味道。唔知點解？」最後終於有網民解畫，原來最大原因是所用的油不同：「以前嗰代炸嘢鍾意用花生油+豬油，而家炸嘢用粟米油、芥花籽油，減低成本。」。有網民覺得最大不同是人情味：「依d人情味黎，想食都食唔返」。

走鬼糯米飯味道大不如前，網民指出配在餐廳茶樓多數貪方便加水蒸，或電飯煲煲飯。 — 糯米飯味道大不如前，網民指出配在餐廳茶樓多數貪方便加水蒸，或電飯煲煲飯。（圖片來源：新假期編輯部）

走鬼網民覺得以前的湯底用料更好：「我估以前係用燒味檔D餸頭餸尾＋骨去煲」。 — 網民覺得以前的湯底用料更好：「我估以前係用燒味檔D餸頭餸尾＋骨去煲」。（圖片來源：新假期編輯部）

走鬼推測了多個原因，最關鍵還是人情味。 — 推測了多個原因，最關鍵還是人情味。（圖片來源：連登討論區截圖）

邊到仲有得食？

想重溫舊時風味，也不是沒有辦法，有些地方還有小販檔，沒有以前的十成風味，應該也有幾成吧！包括黃大仙小巴站：「黃大仙小巴站入面好似仲有d木頭車既小車」上水仍有小販檔，不過很早就收工：「上水火車站仲有，但太早開工，10點打後已經冇人，做晚飯時間，唔係做宵夜時間」天水圍也有：「天水圍而家都仲成日有，好唔好食就唔知」尖沙咀也見過，不過就是1、2年前的事：「早一兩年喺尖咀竟然見到走鬼檔，嗰串燒賣同細個食嘅一樣，唔硬唔粉，煙煙韌韌，正x到」也有很多小販檔入了舖，有心可以打探一下：「有好多木頭車都入左街市同熟食市場，做到而家」。