港男打邊爐怒轟工人姐姐咁處理象拔蚌：成世第一次見！

Mar 11 2024

近來天氣忽冷忽熱，實在令人無所適從，不過亦無阻港人對打邊爐的熱愛。近日有港男在家打邊爐時，叫工人姐姐處理象拔蚌，怎料姐姐竟對象拔蚌做1事，令到港男發文怒轟「俾屋企個姐姐KO咗」，結果網民卻反撐「咁在意就自己切啦」！

工人姐姐處理象拔蚌做1事

日前有港男在Facebook群組「香港火鍋關注組」分享一張相片，文中指「今早去街市買條象拔蚌，俾屋企個姐姐KO咗」然後又再寫「切粒都係人生第一次」，圖片中可見有兩盆被切粒的象拔蚌刺身，兩盆大致分別為虹管和蚌身，下方則以保鮮紙包起一盆冰塊以作冰鎮保鮮。

網民反撐姐姐：「刺身嚟講，條同粒絕對好食過片」

事件放上網上後，引來大批網民回應留言，認為姐姐十分有心機，而且象拔蚌切粒更加好食「識用冰墊底，識攞番個殼放肉，無切埋個膽比你食，仲分埋唔同部份比你。其實你仲想人點？？？咁介意又咁在意就自己切啦，而家好多賣象拔蚌嘅檔都會幫人切埋，何必咁樣公審人呢？」、「刺身嚟講，條同粒絕對好食過片」、「仲分部位擺，睇到心機」、「讚吓姐姐先，切得好工整冇一嚿大一嚿細，睇得出佢有俾心機切，只係佢唔知點切先啱你心水」。而發文港男未知是否因為受留言網民狠批，事後刪去文中的嬲嬲emoji，並補上食後感「都係切條或切片好啲」。