港男茶餐廳外賣美國西冷牛扒打開血淋淋：「聽到隻牛仲叫緊」

Aug 25 2023

港人最愛鋸扒，但早前有網民於茶餐廳叫了碟西冷牛扒外賣，回到公司打開後超震驚，只見牛扒血淋淋一片，賣相相當恐怖！

港男買美國西冷牛扒外賣

這名港男於旺角一間茶餐廳外賣了美國西冷牛扒，配自家製餐包、意大利野菜湯、燒汁、薯角，以及一杯檸檬茶，連服務費埋單要$137.4。不過拿到外賣後，一打開盒就嚇呆，只見牛扒充滿血水，相當血淋淋，事主照咬了一口，無奈表示：「我聽到隻牛仲叫緊 ….」。

網民恥笑：過一陣會感受到十萬隻牛嘅奔騰

一眾網民都恥笑事主，留言相當抵死：「塊牛扒真係又西又冷喎」、「過一陣會感受到十萬隻牛嘅奔騰」、「真係新鮮成咁」、「3成熟，師傅話平時要」、「食咁熟不如食牛肉乾，呢隻就啱啱好喇」、「你係order rare 呀」、「留返畀你返去再煎」。雖然牛肉太熟不好食，不過網民就表示這實在是太生了，「影完相，叮番熟佢食啦…唔好浪費」。有好心的網民就關心事主有沒有不適，事主回覆表示暫時肚痾了兩次。