港男荃灣海鮮檔買蟶子被呃秤！當面秤都收多4兩老闆咁回應令事情收唔到科！

Mar 20 2023

街市被人呃秤自然「火都嚟」，近日就在受害者在Facebook群組發文，鬧爆荃灣楊屋道人氣海鮮檔，大呻買蟶子被呃秤，當面秤都計少4兩！老闆立即在帖文下留言回應，但網民似乎不收貨，繼續圍插海鮮檔，究竟老闆回應了什麼，令事情「收唔到科」，反而火上加油？

楊屋道海鮮檔買蟶子被呃秤！

一名港男在呃秤楊屋道海鮮檔買蟶子被呃秤，一怒之下在Facebook群組「香港街市魚類海鮮研究社」大罵海鮮檔，帖文劈頭一句：「呃秤一定要公開。」事沿自己在楊屋道人氣海鮮檔買蟶子：「我今日去楊屋道X記買蟶子110元，買八隻巨型蟶子，個女人秤完同我講1斤12兩。」

皆因海鮮檔有前科，於是事主當面質疑：「我話咁重秤？我上次買蟶子，你已經收多我錢，差2兩我都吞左佢算數。」事主坐言起行，立即在員工面前覆磅：「今次我當佢面秤1斤12兩只有1斤8兩，足足呃秤4兩」。員工見狀立即改口：「佢當堂笠水話，你話幾多就幾多囉！自動收返1斤8兩價錢$165元。」

事主被騙後呼籲：「所以大家買海鮮一定要睇秤，唔好比人呃！」直言自己一直是該店老客戶：「X記我一向都買開，基本上平時都算足秤！」但今次對該員工非常不滿，才決心公開事件：「但這個女人平時講嘢已經粗聲粗氣態度唔好，最重要呃我兩次，所以今次要公開佢，等佢檢討下」。

荃灣蟶子海鮮檔當日在海鮮檔買到的蟶子，事主：「超巨型」。 — 當日在海鮮檔買到的蟶子，事主：「超巨型」。（圖片來源：Facebook@香港街市魚類海鮮研究社）

荃灣蟶子海鮮檔事主指足足呃秤4兩。 — 事主指足足呃秤4兩。（圖片來源：Facebook@香港街市魚類海鮮研究社）

荃灣蟶子海鮮檔事主當面和阿姐對質，事主親自覆磅後，發現之前名姐確是計重了4兩！ — 事主當面和阿姐對質，事主親自覆磅後，發現之前阿姐確是計重了4兩！（圖片來源：電影《每當變幻時》截圖）

老闆點回應？

帖文引來大批網民關注，亦引來了該海鮮檔的店主，在帖文下連續2次回應事件，為客人帶來的不便道歉，並承諾會轉用電子磅：「輝記海鮮老闆～亦都吸取曬你哋網民嘅意見。明天開始～嗰個位，會轉右電子磅程式。絕無差錯。帶來今次嘅不便，敬請原諒。」

及後再為員工說話，覺得員工在有壓力的情況才犯錯，並願意賠一札蟶子予事主作補償：「你好～以為顧客。我係輝記海鮮嘅老闆。如果你認為我員工係壓力嘅情況下明天你～落嚟攞番一澤蟶子。我代表輝記海鮮老闆，賠番一集畀你畀你補償。」希望明天事主和自己影番一張相放群組，冰釋前嫌：「希望明天你～同我影番一張相，擺返喺呢個群組。」以表自己絕無欺騙：「代表我～係貨真價實，絕無欺騙。」而事主都回應：「我只想你員工檢討下！做生意要貨真價實，唔好呃顧客。我都經常幫襯你，希望你繼續做好這間舖。」

荃灣蟶子海鮮檔老闆在帖文下留言道歉。 — 老闆在帖文下留言道歉。（圖片來源：日劇《半澤直樹》劇照）

荃灣蟶子海鮮檔老闆承諾會轉用電子磅。 — 老闆承諾會轉用電子磅。（圖片來源：Facebook@香港街市魚類海鮮研究社）

荃灣蟶子海鮮檔老闆為員工說話，覺得員工在有壓力的情況才犯錯，並願意賠一札蟶子予事主作補償，希望明天事主和自己影番一張相放群組，冰釋前嫌，以表自己絕無欺騙。 — 老闆為員工說話，覺得員工在有壓力的情況才犯錯，並願意賠一札蟶子予事主作補償，希望明天事主和自己影番一張相放群組，冰釋前嫌，以表自己絕無欺騙。（圖片來源：Facebook@香港街市魚類海鮮研究社）

荃灣蟶子海鮮檔事主亦有回覆，但無回應是否接受賠償、當面合照。 — 事主亦有回覆，但無回應是否接受賠償、當面合照。（圖片來源：Facebook@香港街市魚類海鮮研究社）

老闆錯重點，網民唔收貨怒插！

但網民反而唔收貨，店主回應火上加油，辣㷫網民圍起怒插，皆因覺得老闆無正面回應員工操守問題：「引起嘅唔係不便，係被騙了，討論嘅亦唔係意見，係員工品行，但回覆完全無提過避開咗」，叫人影相才能換蟶子，提出交換條件，更是毫無誠意：「佢冇承認嗰個員工有問題喎，只係如果你覺得有錯，就叫人落黎乞返d蟶子影張相」。

更提出送蟶子根本是治標不治本：「根本唔係送唔送嘅問題，而係要處理好員工呃人嘅問題，個員工繼續呃人嘅話，你送100札蟶子都挽救唔到你舖頭嘅名聲啦！生意唔係咁樣做嘅！」有人覺得退款最直接，無謂設那麼多條件：「有心解決嘅，直接payme, fps退返錢俾人咪仲直接。洗乜設咁多條件，又要人再搭車落荃灣，再要影張相証明。落到去仲要睇你面色，聽你晦氣說話。」

荃灣蟶子海鮮檔但網民反而唔收貨，皆因覺得老闆無正面回應員工操守問題，引來網民圍起怒插！ — 但網民反而唔收貨，皆因覺得老闆無正面回應員工操守問題，引來網民圍起怒插！（圖片來源：TVB《愛回家》截圖）

荃灣蟶子海鮮檔網民覺得老闆逃避問題，所謂賠償亦無誠意。 — 網民覺得老闆逃避問題，所謂賠償亦無誠意。（圖片來源：Facebook@香港街市魚類海鮮研究社）

荃灣蟶子海鮮檔送蟶子根本是治標不治本。 — 送蟶子根本是治標不治本。（圖片來源：Facebook@香港街市魚類海鮮研究社）

荃灣蟶子海鮮檔員工品行才是關鍵。 — 員工品行才是關鍵。（圖片來源：Facebook@香港街市魚類海鮮研究社）

壓力大非藉口，大呼：「報海關！」

壓力大並不成呃秤藉口：「壓力既情況下……？以後每日都咁忙，每日都仲會有壓力，咁咪以後都會繼續發生同類情況…………？要諗辦法解決問題，公開透明，唔好因小失大。」令網民質疑：「呢啲伙記唔炒嘅原因，一係自己人，一係收咗柯打咁做」口碑很重要，有人覺得「一次不忠，百次不用」，不會再幫襯：「我衰咗一次係條金毛八婆到之後，我每次去死都唔幫親，無論幾平都好」更有人大叫報海關：「咪報海關等佢地放蛇睇下中唔中囉，記得隔一排等件事過左先喎」。

荃灣蟶子海鮮檔有人大叫報海關。 — 有人大叫報海關。（圖片來源：電影《海關戰線》預告片截圖）

荃灣蟶子海鮮檔不用勞氣，直接報海關。 — 不用勞氣，直接報海關。（圖片來源：Facebook@香港街市魚類海鮮研究社）

少數聲音撐老闆

但當中亦有少數聲音撐老闆，覺得他有擔當，但亦要正視員工操守問題：「多謝輝哥你肯企出嚟，但如果樓主唔係第一次發生，係咪應該都要正視一下員工操守呢？」、「同伙記溝通下應該無問題，阿姐雖然粗聲粗氣，但佢算係勤力及落力工作」，亦有人為該員工說話，認為這是無心之失，可能是年紀大才睇錯：「呢個金毛姐姐…心算係差啲，把口快過個腦(同佢交過手！同佢計番話佢計錯佢自己都拍一拍自己個頭！果次可能心情好同我Sorry)但係睇佢無心嘅！」、「係呀，我都幫襯過呢間嘢10幾年，不過真心講，好彩，我從來都冇俾佢呃過，所以我覺得可能阿姐年紀大，睇錯咗姐」

做伙記根本沒必要呃秤：「做伙記點解要呃秤」，事主「啜核」回應：「如果計少咗，我會多謝佢囉！」無論如何，觀事主留言，似乎氣消了不少，不過暫時沒有上載和老闆的合照，最後有沒有當面和解就不得而知了。