訂蛋糕貨不對版 蠟筆小新嚟到變比卡超！店主拒退全款想改期再整 事主嬲爆

訂蛋糕貨不對版 蠟筆小新嚟到變比卡超！

這名港人於一間IG shop訂了一個蠟筆小新蛋糕，但當日收蛋糕時才驚見變了做比卡超。於是事主立即WhatsApp店主詢問：「而家係咩事？」，店主回覆承認自己做錯了款，更問事主「呢個比卡超你鍾唔鍾意？如果OK我退返一半錢畀你或者幫你改期再做一個補畀你OK嗎？」。事主聽後即拒絕：「梗係唔得啦，今日生日」，店主指可以第二天補送蛋糕給事主，但事主一句拒絕：「我點樣改期要個蛋糕」。後來店主指可以退款給，不過要求事主將蛋糕扔落垃圾筒並拍下照片。

店主串爆1句：我真係冇辦法

事主亦跟足店主的指令去做，並將圖片傳給對方，最後忍不住怒氣向店主更大鬧：「真係多謝你，多得你唔少」。不過店主同樣表示無奈：「我知係我唔啱！但我已經盡力補償你，但你話就唔到我真係冇辦法」。

店家的回覆令事主感到憤怒，於是在Facebook「香港蛋糕關注組」群組發帖分享此事，更大鬧：「試問我 點樣將個生日去改期就你呢個錯誤呢」。

網民指責店家處理手法有問題

網民紛紛指責店家處理手法有問題：「自己做錯仲想收一半。。寧願退錢叫個客掉，都唔比個客食咗做當賠罪」、「呢個處理手法代表佢認為人哋會貪佢有多個蛋糕慶祝，或者覺得你會轉售出去，真係唔識做生意，小事化大」、「個店主都幾onX，講到自己冇錯咁，錯係錯在個客唔肯改期做生日」、「PR好差，擺明自己做錯，仲講到個客要屈佢R著數咁，佢小店經營，問第一句都明，人之常情想收返成本」、「做錯左個客要退全款都冇得say no 架啦，衰衰地畀人食埋 ，客客氣氣都叫或者有下次，依家咁錢又賺唔到，名又做臭埋，為咩呢」。