去薩莉亞叫墨魚汁意大利飯上枱竟然咁樣！網民：個飯係咪跌咗落坑渠

Apr 13 2023

薩莉亞餐廳出名平靚正，一個意大利飯都不過30元，不過近日就有網民在Facebook群組大呻中伏，雖然價錢平，但烏漆墨黑的意大利飯上枱時，賣相非常嚇人，其他網民見到都嚇親，直言：「個飯跌咗落坑渠？」，更起名為「青苔海藻瀝青蚯蚓飯」，嘩！聽到都打冷震。究竟有多其貌不揚？立即睇睇！

薩莉亞墨魚汁意大利飯賣相嚇人！

薩莉亞餐廳價錢親民，一直有不少粉絲，在香港多區都有分店，不過近日就有網民到九龍城廣場薩莉亞，柯打了＄30的墨魚汁意大利飯，想不到上枱的墨魚飯賣相駭人，有感中伏，在Facebook群組「中伏飲食報料區」大呻，發文：「九龍城廣場薩莉亞，我知道冇期望就唔會有失望，但真係過分咗少少。」並上載了兩張圖片，一張是Menu相，Menu中的墨魚汁意大利飯很四正，有幾片魷魚圈在墨汁飯上；另一張是上枱相，真實賣相尤如青苔沼澤，魷魚圈載浮載沉、若隱若現，猶如蚯蚓一樣。另外，事主在留言提到，除了賣相欠佳外，食味似乎都不妥：「唔係呀佢啲飯好似糊仔咁…以前食都唔係咁」。

網民到九龍城廣場薩莉亞食墨魚汁意大利飯，發帖大呻，引來近300個留言回應。（圖片來源：Facebook@中伏飲食報料區）

薩莉亞 Menu相總是非常理想。 — Menu相總是非常理想。（圖片來源：Facebook@中伏飲食報料區）

薩莉亞而現實上枱賣相都是殘酷的。 — 而現實上枱賣相都是殘酷的。（圖片來源：Facebook@中伏飲食報料區）

網民大彈賣相噁心：「泥+蚯蚓」

帖文旋即引來大批網民關注，紛紛留言大彈相中墨魚飯噁心，出動了各種比喻、形容詞，苔蘚、泥、蚯蚓、沼澤，連化糞池都有：「對唔住我以為你影緊苔蘚」、「青苔海藻瀝青蚯蚓飯」、「明明就係青苔沼澤中的蚯蚓」、「泥+蚯蚓」、「化糞池啲渣」、「魷魚困死於沼澤」、「平日經過觀塘條臭渠都見唔少」，還啜核地建議事主：「要搵渠務署」。還有最噁心的形容：「蛆蟲卵」，儼如嘔吐物：「係就係墨汁飯，但似係上一手食完嘔返出嚟」，令人不敢恭維：「唔好話食，見到都想反胃」。除了賣相，不少網民批評餐廳的衛生有問題：「呢間野好污槽…」、「有老鼠頭加餸仲去食嗰下佩服」。

薩莉亞大批網民都被墨魚飯賣相嚇親，紛紛以啜核比喻形容。 — 大批網民都被墨魚飯賣相嚇親，紛紛以啜核比喻形容。（圖片來源：電影《唐白虎點秋香》截圖）

薩莉亞大家覺得相中的墨魚圈比較少。 — 大家覺得相中的墨魚圈比較少。（圖片來源：新假期編輯部）

薩莉亞集各家之大成，青苔坑渠蚯蚓嘔吐物。 — 集各家之大成，青苔坑渠蚯蚓嘔吐物。（圖片來源：Facebook@中伏飲食報料區）

薩莉亞事主在留言提到，墨魚飯除了賣相欠佳外，食味似乎都不妥。 — 事主在留言提到，墨魚飯除了賣相欠佳外，食味似乎都不妥。（圖片來源：Facebook@中伏飲食報料區）

薩莉亞大家都覺得好恐怖。 — 大家都覺得好恐怖。（圖片來源：Facebook@中伏飲食報料區）

部份網民撐餐廳：「30蚊差唔多啦」

不過留言都不是一面倒鬧餐廳，反而有不少網民撐餐廳，留言頗為兩極化，有些人覺得＄30那麼便宜，「食得鹹魚抵得渴」，要求不要那麼高：「重點係 $30」、「30蚊差唔多啦」、「30蚊比你玩到食墨魚汁，抵啦」，吃完不肚痛已經要偷笑：「平價野食唔壞個肚就算啦…」。甚至有人覺得真實賣相其實和menu相出入不大：「飯同張圖一樣丫，有咩好失望」，只是墨魚圈沒放在上面而已：「佢無人手抽番D魷魚圈上面，其他大致ok」。墨魚飯都是烏黑一片的：「叫得墨魚汁，想期望啲咩？」更有網民上圖證實，就算是西班牙餐廳的墨魚飯也差不多賣相：「上次去西班牙食同你呢個差唔多，你要求過高啫，仲要三十蚊算係甘」。