茶餐廳食飯驚見收據手寫單要收$20！網民反恥笑事主無知

飲食熱話

Dec 28 2023

茶餐廳方便又快捷，而且食物包羅萬有，選擇眾多，是不少人快、靚、正之選！不過近日就有港人去茶記食飯，埋單時驚見收據寫著「手寫單$20」，此項收費令他感到奇怪。

茶餐廳食飯驚見收據手寫單要收$20！

有港人於Facebook群組發帖指自己去了大澳某間餐廳用餐，叫了四寶臘味煲仔飯、豆卜鮑魚北菇雞煲仔飯，最後埋單驚見收據多了一個「手寫單」的項目，更要價$20，令他感到很驚訝，怒斥：「寫單都要收錢」。

反被網民轟無知！

此帖引來網民熱議討論，有部分網民都留言炮轟餐廳過份，「下次收埋你座位費、茶錢、冷氣費」、「加一服務費正仆X，有咩服務呀」、「下次印單都要收錢呀」、「客人出聲叫夥計落單，收店鋪1000」、「無收你機場稅算好」。

另有大部分網民就大鬧事主無知，更狠批事主此舉會誤導其他食客，「無知真可怕」、「笑死，你係咪叫咗咩隱藏menu嘅嘢」、「水魚費」、「間嘢有病？唔寫單又點叫嘢食」、「下次收埋回應費收錢費抹枱費」、「一個post引出一班無知既人」。有內行人就解釋指手寫單的意思是「電腦無嘅嘢，手寫比廚房另加的東西」、「應該係個價錢唔啱差$20所以寫返$20 」、「應該有加餐牌外既野喇」，例如客人叫了一碟星洲炒米，但想加2塊午餐肉，而收銀機未有此選項，就會以「手寫單」代替。