港人去茶餐廳食牛扒叫7成熟被店員婉拒！網民直斥：7成熟分分鐘食到肚屙

茶餐廳食牛扒叫7成熟 店員串爆回應「呢度茶記嚟」

平時吃牛扒，多數會點5成或7成，因為生怕煮得過熟牛扒會變韌，口感不好。而當我們到西餐廳或者高級餐廳時，都可以按自己要求牛扒幾成熟。而最近有名網民早前到茶餐廳柯打牛扒時，則要求牛扒7成熟。誰知店員立即回應指出「呢度係茶記，真係要睇師傅做唔做到畀你，未必有㗎」。

侍應：「7成要去啲高級小小嘅地方」

最後店員亦笑指「7成要去啲高級小小嘅地方」，而事主表示最後上菜時牛扒不算太韌，可接受。不過自從牛扒事件後，就讓事主決定把今次的經歷發文到香港討論區中，想詢問其他港人會否跟自己一樣。

網民笑指「茶記塊扒點可能跟高級嘅地方比」

不過帖文一出後，有不少網民對於事主的做法表示不認同。有人認為「茶記塊扒點可能跟高級地方比」、「平價餐好難特登煎一塊畀你」、「茶記牛扒7成熟分分鐘食到肚屙」、「品質唔同，唔好搏」、「伙記會話你，乜你咁唔成熟」、「咁嘅要求真係第一次聽到，樓主示範咗咩叫做沒有最反智，只有更反智」、「茶記廚房佬識得整幾成熟咩？」、「茶記啲扒全部係醃製食物，佢比你7成分分鐘今晚你要去醫院」。

亦有網民指出茶餐廳牛扒九成添加了鬆肉粉，大部份都是一早煮熟，而牛肉本來的質素如何也不知道，故建議柯打全熟較好。也有人指出茶餐廳午市多人時，即使不用叫7成熟，也會自動7成熟。

資料來源：香港討論區