港媽不滿茶餐廳叫1物要收錢網民反斥：有BB就全世界都要就你？

Mar 15 2024

媽媽帶同孩子出外用餐有時可能會因應不同的需求，而向餐廳作出相應需求。近日，有港媽帶孩子到茶餐廳用餐時，因應孩子的需要，向餐廳要求1杯冰，事後她發現餐廳提供的這杯冰需要收取費用，在網上發文大鬧「我又唔係飲，咁都要收錢」，網民反斥港媽「茶餐廳都要買冰返嚟整凍飲，點解唔收錢？」

港媽大鬧餐廳另收一杯冰錢

近日，有港媽在Facebook群組「香港茶餐廳及美食關注組」發文怒轟淘大一間冰室，她首先在帖文發問「係咪任何一間茶記/餐廳，另外要杯冰都要收錢？」，然後講述事件經過，指去淘大一間冰室問侍應要一杯冰坐凍奶樽的奶供孩子飲用，但卻要收取冰的費用，她指離開時問經理，獲回覆是公司規定，港媽在文中更指，「首先我唔係話錢唔錢嘅問題，我又唔係飲，咁都要收錢」。

網民撐餐廳：點解唔收錢？

事件引起網民紛紛怒斥港媽，認為茶餐廳運冰、買冰亦需要成本，「茶餐廳都要買冰返嚟整凍飲，點解唔收錢？」、「無啦啦要杯冰，仲好意思話人收佢錢？」、「用茶餐廳嘅冰嚟幫支奶降溫，咪即係等於凍飲」，又認為根本就是錢的問題才引起港媽發文大鬧。另外，有網民表示其實沖奶粉怕太熱可以用水來降溫，「其實有經驗嘅媽咪係會開水喉沖奶樽外面或用水喉水浸支奶降溫」、「係我先會自備涷熱水，自己溝好啱用既水溫先開奶」。不過，未知是否帖文受到太多網民指責，港媽已經刪去原帖。