港人茶餐廳排隊等位慘被打尖 投訴反被店員鬧返轉頭兼1句串爆！

港人茶餐廳被打尖投訴反被店員鬧！

這名港人指自己是太子的金華冰廳幫襯多年的常客，剛過去的星期日（11月19日）照常去店舖用餐，由於當日店舖大排長龍，因此便在門口排隊等候。在他等候期間突然從後插入3個人，他們直接走入餐廳用餐，事主目擊全程便向店員反映指他們並沒有排隊，誰料卻被對方鬧返轉頭！該名店員回覆事主指他知道排隊人數，直指因為事主是4位，而入面位置是3位，所以就安排其他人先入場。事主指自己慘被對方大鬧：「勁大聲又無禮貌」，再望入店內見到衛生勁差，片地都是垃圾，最後一氣之下就直接走人不光顧，店員再1句串爆：「唔食唔好食啦 byebye」！

網民：呢間出晒名！

有網民指此情況並非第一次，有光顧過的網民表示：「金華啲伙記一向無禮貌！比我感覺係：你食就食，唔食就同我躝啦！」、「呢間野不吃也罷，事頭婆吋過乜」、「呢間無禮貌出哂名，一早已經blacklist，等緊佢執笠中，點解你會咁遲先feel到」、「啲嘢勁難食，全部嘢食微暖」、「呢間嘢不嬲唔好食」。

另一部分網民就大鬧店舖衛生情況超惡劣，從圖可見店舖地下全是收據單張等垃圾但卻無人清潔，「見到地下唔開胃」、「成地垃圾，香港飲食業唔執」、「地下真係勁污糟」。