茶餐廳侍應要求「一個人就唔好坐卡位」 港女感不忿！網民一面倒力撐

茶餐廳侍應要求「一個人就唔好坐卡位」

茶餐廳環境通常都比較狹窄，加上人流又多，想坐得舒服一定是坐卡位。日前就有網民在Facebook 群組「香港茶餐廳及美食關注組」出post，指某天一早6:45去了西灣河百好冰室吃早餐，樓主指當時「大半間茶記都冇人」，但招待她的一位女侍應見樓主得一個人，就表示「一個人就唔好坐卡位」，並要求她坐茶餐廳的中間位置。

其他單人食客卻可自由選坐卡位 港女感不忿！

樓主坐下並叫了食物後，就來了3位客人，分別是一名茶餐廳的女熟客，及2位男客人，他們都是一個人來吃早餐，但該名女侍應並沒有阻止他們坐卡位，甚至「仲好主動叫個女熟客坐前面嗰卡位」，樓主見到此情況表示不忿，直言「呢啲服務態度真係值得講比人知，欺善怕惡冇下次」，因此上網把這件事公開。

網民同斥女侍應：我會即走，無謂畀錢餐廳賺

不少網民看到樓主的分享後，都認為女侍應的確有問題，指假如餐廳人不多，都希望能選擇自己喜歡的座位：「我最憎又冇乜人，又指我去坐邊坐邊」、「好多時係見到有卡位先入去幫襯」、「6:45am咁早都咁好招呼，即走啦」；也有不少網民指假如自己是當事人，「我會即起離場，已經唔尊重客人，唔會畀錢受白眼」、「我即X佢問佢有冇攪X錯佢坐得我唔坐得」、「如果我係你，照坐喜歡的位，服務員拿我如何？」；不過也有網民認為無所謂：「我又無所謂食個早餐十零二十分鐘，又唔係同fd食」、「算啦，個卡位都唔食得」，認為多一事不如少一事；也有網民坦言這樣與趕客無異：「對生客唔好，點會有熟客？」

資料來源：香港茶餐廳及美食關注組