港男食自助餐一次過拎3分1個忌廉蛋糕 大讚勁抵食回本 網民見狀即插：肉酸
廣告
吃自助餐當然要回本！而去年有男網民於網上出文指自己早前到酒店吃其自助午餐，第一時間已拿3分1個忌廉蛋糕，直言這做法是超抵食、勁回本，更表示自己差不多個幾星期就來一次。不過這做法一出後卻引來其他網民反感，直言相當肉酸。
港男分享食自助餐回本攻略！拎3分1忌廉蛋糕直言好抵食！
平時我們吃自助餐都會狂食龍蝦、生蠔等海鮮，力求吃個夠！而有男網民去年於Facebook群組「香港茶餐廳及美食關注組」中發文分享自己獨特的回本攻略。
男事主表示自己差不多每個星期都會到尖沙咀君怡酒店中享用其沙律吧半自助午餐。而其回本攻略就是第一時間拿3分1個鮮忌廉蛋糕，再柯打一杯咖啡。事主表示鮮忌廉蛋糕本身定價為$200幾蚊，自己一次過拿至少3分1， 再加上咖啡本身已值40元，故兩者夾埋已抵食回本。
事主更貼上自己拿3分1忌廉蛋糕及其他食物的照片。有網民曾詢問為何不到最後一刻才吃蛋糕，事主卻表示酒店會不時更換，就好像當日已轉做其他小蛋糕，故事主很慶幸自己一早拿了3分1蛋糕。
網民即插好肉酸！
事主發出帖文後，立即遭到網民大鬧，認為事主的行為相當自私，不少人留言表示「只要你唔尷尬，尷尬嘅就係人哋」、「酒店怕咗你，唔出原個Tiramisu & Opera Cake」、「一次過拎三分一個蛋糕，拎嗰下你唔尷尬嗰下勁！」、「擺嗰下已經肉酸，Post上嚟更加肉酸」、「一嘢攞1/3有啲難睇」、「如果食得曬成個係咪成個攞走？好心啦，分開幾攞唔得咩？」、「遲啲我去可能無原個蛋糕」。
不過也有網民替事主辯稱，指「如果有自己嘅重點，其實都幾抵食」、「食得到就無問題，最緊要唔好浪費食物」、「唔會蝕底，只要吃到不浪費」。
關鍵詞
飲食熱話
圖片來源：Facebook群組@「香港茶餐廳及美食關注組」
