大陸女怒斥茶餐廳牛雜拼盤要價$238！網民踢爆：呢間專劏遊客！

Aug 11 2023

眾所周知香港消費高，簡單食個午餐都要過$50，相當不便宜！日前更有大陸女生投訴於茶餐廳叫了一份價值$238的牛雜拼盤，令她不禁大呻「我以為我看錯了」，此帖引來眾人熱議，更有眼利的網民發現間餐廳有前科…

大陸女怒斥茶餐廳牛雜拼盤收$238好貴！

有大陸女於小紅書發文指於尖沙咀源記茶餐廳一份招牌牛雜拼盤（大）要價$238，大呻「我知道香港消費高，但是在路邊的茶餐廳哦，馬路上的小店，吃份牛什$238，我以為我看錯了」。從圖片可看出該牛什拼盤有牛柏葉、牛腩、牛筋等材料，但份量未算很大。

網民踢爆：呢間專劏遊客！

不過事主圍爐不果，反被網民批評「明碼實價喎，食之前唔識問？」、「冇收加一服務已經好有良心㗎啦」、「食唔起咪唔好嚟囉」。亦有人指「叫3碗牛雜麵走麵好X過」、「出名貴，但又唔好食」。有網民就指出這間餐廳出名劏遊客，「廿幾年前，我啱啱出來做野佢已經係劏遊客….」、「依間專劏遊客」，甚至有網民踢爆餐廳有兩個餐牌，一個給本地人看，一個給遊客看，共有兩個價錢，「呢間嘢好耐之前比人踢爆，遊客有另一個餐牌唔同價錢！」、「不過可以話張單喺漢口道一定係劏客㗎啦，不嬲都有兩個餐牌㗎，一個係香港人餐牌，一個遊客餐牌」。另有網民懷疑事件真實性，「太多人做假吸流量。張單寫嗰個價錢未必係張相嗰碟野，甚至張單都未必係出Post嗰條友。」