食客要求去廁所被牛奶冰室拒絕 店員態度惡劣！ 網民教路1招應付無賴餐廳
網民大鬧牛奶冰室拒用廁所
近日有網民在Facebook 群組《飲食黑店大全(全港食店質素關注組)》上投訴，指自己一行六人到尖沙咀的牛奶冰室吃飯。當點餐後，帖主就向侍應查詢廁所的位置，希望使用餐廳廁所。但未料其中一位侍應馬上回應「冇廁所」，另外一位「騎騎陰陰笑」回應「壞咗」。帖主聽後非常憤怒，認為侍應係刻意阻止客人使用廁所而說謊，最後帖主寫道「冇問題，謝絕幫襯，拜拜」。
餐廳必須提供廁所？
不少網民留言寫道餐廳必須提供廁所，否則是違反食環處的發牌條件，並表示可以向食環署投訴：「玩大佢報食環啦，只係上嚟投訴無用，啲食店欺善怕惡架佢哋，壞廁所嘅食店一律要休業，整番好先重開。」、「去投訴食環署！一間食肆可以發牌係需要有公共廁所配套！」、「所有餐廳一定要有男女洗手間供應，否則是不可以發牌，商場餐廳當然不用，餐廳洗手間也不可以關閉不開放，否則會被扣分」。不過有網民留言指自己都曾詢問廁所位置，但對方坦白解釋拒絕食客使用的原因是因為食客衛生問題：「問佢廁所喺邊，佢話冇廁所，話佢又話有、不過就話畀人去就搞到污糟邋遢所以唔畀用，佢話個廁所喺廚房，不衛生」。
網民留言教路應付無賴餐廳
有網民指如廁所真的壞的情況又如何處理「請問如果個洗手間次次都話『壞咗』, 又有無問題？」，有網民指其實無法處理，食環署只能叫餐廳盡快處理，「如果堅持話壞就無得扣分，只會叫佢盡快整好，如果無壞但唔開放比客用或者拎廁所放雜物就會警告幾次，都無改善先會再進一步行動」。不過有網民指如果餐廳使用此藉口，便同對方奉陪到底，每次都報食環「 唔緊要㗎，佢講一次壞，就報一次食環，隔三差五食要就係處理投訴，佢都頭痕㗎。」。
原來餐廳早有前科？
另外有網民指該餐廳「特別嘢」不只一次，網民指他們的凍檸茶是用化學沖劑，沒有檸檬：「食過一次，原來佢哋凍檸茶冇檸檬，飲化學嘢，冇下次」、「檸檬茶，沒有檸檬！我已經沒有興趣去！」。還有網民指該品牌餐廳曾使用不同藉口，拒絕客人要求：「呢間嘢話冇牙籤，都試過」、「將軍澳果間我俾500佢話唔收，無散紙找」。
餐廳得1個原因可不設廁所！
根據食環署的標準，餐廳必須提供廁所。但如所在的商業大廈有公用廁所供顧客及員工使用，則在食肆牌照的申請中加入在內，食環署會接納這情況而加以考慮。但尖沙咀的牛奶冰室是住宅大廈耀基大廈的地下，並非不是商業大廈，故餐廳必須提供廁所。
