食客力數灣仔餐廳4宗罪：「由食物到服務都係一間黑店」
廣告
近日有港人於灣仔餐廳叫餸食飯但體驗勁差，令到他極度不滿，忍不住發文大鬧「呢間嘢由食物到服務都係一間黑店」，帖子引來眾多人留言熱議！
1.店員寧執枱都遲遲不落單
事主於灣仔某間餐廳用餐，他約7點入座但卻沒有人理會，樓面有兩名店員，但卻遲遲不替事主落單，「應完你寧願去執枱都唔過黎落單…」。
2.等近1小時先上菜
好不容易成功落單後，等到約7時45分都未有餸菜，事主怕小朋友餓便唯有叫了兩碗白飯食住先，之後等到約7時56分終於上菜。
3.食物味道令人失望
事主一共叫了3碟餸，分別是秘制蔥油雞例牌、頭抽蒸焗爽鱔，以及蒜蓉粉絲蒸茄子。但3碟餸菜味道都令事主失望，當中秘制蔥油雞例牌要價$108，但份量勁少，而且更是雞背脊部份，「其實我expect咁既價都有1/4隻雞掛？冇脾都有翼丫？真係未試過用$108食左隻雞全個背脊」。頭抽蒸焗爽鱔要價$198，「一舊腩位都冇，勁多骨」，除了勁油外味道尚算正常；蒜蓉粉絲蒸茄子$88，事主點評：「蒜蓉係正常既，但蒸既豉油係冇煮過嘅，應該係就咁倒落去蒸…個味一d都唔香….難食」。
4.用餐環境惡劣
最後事主怒數餐廳用餐環境惡劣，「成場都係大陸人，勁嘈，仲要係我地張枱旁邊行嚟行去敬酒，個男人個pat pat爭啲將我哋張枱布都high到就快成枱送俾佢拖落地下」，事主超無奈大呻：「完全唔知OpenRice嗰13個笑點嚟嘅」。
關鍵詞
飲食熱話
圖片來源：Facebook@飲食黑店大全 (全港食店質素/價錢/服務關注組)、電影《大亨小傳》劇照、TVB《愛回家之開心速遞》劇照資料或影片來源：Facebook@飲食黑店大全 (全港食店質素/價錢/服務關注組)
