酒樓$1000瀨尿蝦全是霉肉 港女：愈食愈懷疑人生⋯

索價千蚊霉肉瀨尿蝦 港女：最期待嗰碟竟然係最難食

日前一名港女在Facebook群組「中伏飲食報料區」上分享了她與家人在荃灣三坡坊某海鮮酒家的經歷，港女指本來覺得帶父母食好西貴一點也沒所謂，因此在該酒樓叫了$2000海鮮，並說最貴「呢碟椒鹽瀨尿蝦$1000 (800幾蚊斤)」，怎料瀨尿蝦吃上去並不新鮮「啲肉霉嘅、冇鮮甜味，愈食愈懷疑人生」，又指「最期待嗰碟竟然係最難食」。

老闆離譜回覆：啲蝦肉霉咁揀蒸好過炒

港女在被帖文中指在結帳時向店員反映海鮮問題，但態度卻冷淡且愛理不理，猜測應該不是第一次有客投訴海鮮不夠新鮮，而事主事後亦更新，原來男朋友亦有向老闆投訴，竟獲老闆離譜回應「啲蝦肉霉，咁揀蒸好過炒」，港女得知後大感不解，「啲蝦肉霉關蒸定炒咩事，擺到明9up當秘笈，就係因為咁我男朋友慳返啖氣算」

該名港女亦有指在選擇海鮮時，「望住亦叫住佢揀啲生猛嘅，上到枱變成咁樣」，因此對這間酒樓不抱希望了。網民對此事紛紛留言指這碟瀨尿蝦有問題，「睇個樣呢隻蝦落鑊之前已經圓寂咗一段時間，唔單止唔好食，仲有安全嘅風險」、「多數換左死蝦比你」、「尿蝦一唔新鮮就會霉好明顯係死蝦」，亦有不少網民認為港女不應接受付錢，「八百幾蚊霉肉就即時嘈啦。。」、「應該要退返俾佢」、「如果咁貴價錢，比隻死蝦我，一定唔會比錢」。