新年澳門酒樓食45兩瀨尿蝦埋單嚇到傻網民：真係富貴蝦呀

Feb 16 2024

新年流流，當然想出外和家人朋友食飯聚餐，不過近日就有網民發文，分享年初一在澳門因$68海皇煲決定到1間酒樓吃飯，並叫了45兩的瀨尿蝦，結果埋單居然人均$1000，驚呼「哭暈了！」

天價瀨尿蝦埋單貴到飛起！

年初一有網民在香港討論區發文，指見到氹仔有酒樓推$68海皇煲，因此一行人便決定到該酒樓用餐。不過，事主指下單時部長向他們推薦瀨尿蝦，「落單時, 最後個部長絕殺, 話瀨尿蝦靚, 抵食, 正」從收據可見最後點了7款菜，包括45兩瀨尿蝦、雞煲魚翅、臘味飯、$68海皇煲、燒味三拼、鮑魚炆雞煲及半打饅頭，而半打饅頭是因為「好似乜都無食過, 咁少點夠食」，怎料45兩即不足半斤的瀨尿蝦，事主卻驚見收取$3735，而因為正值農曆新年，更需要收取加二服務費$1176，結果總數$7057，人均高達$1000，令事主表示「一班人哭暈」。

$68變$4500 網民：好過去搶！

即使花了人均$1000用餐，事主對該餐卻感到不甚滿意，並表示「瀨尿蝦食左$4500」，網民亦對瀨尿蝦價格十分震驚，「連埋服務費，接近100元一兩」、「100蚊一兩瀬尿蝦食咗會飛」、「為68一個粉絲煲,每人奶足1000出門口」，另外有網民對服務費及雜項也覺得離譜，「茶位$48 位x6=$288, 小食$60×4=$240。六個人坐低就要$528，乜嘢都未食！」