連登仔大讚深圳物價平 $19杯喜茶＋韓燒$188 直指香港消費是智商稅
連登仔大讚深圳物價平！$19/ 杯喜茶＋$158/半隻片皮鴨
有男網民於連登討論區中發文大讚深圳的東西價廉物美，他以「深圳Hea遊認真食，喺香港消費根本就係智商稅」的題發文，分享自己到深圳遊的食評。從帖文中看到，事主到訪了幾間餐飲店，而他認為相比於香港，不論價錢、食物質素、份量及服務態度都相差很遠。
首先事主先到訪了喜茶，柯打了一杯「多肉桃李」，索價只需$19， 讓事主不禁高呼「香港夠膽收錢4、50蚊」。
隨後，他到了一間叫「金鴨季」的餐廳朾打了半隻價值$158的片皮鴨，事主表示雖然半隻鴨要$158不算平，但是用夾著片皮鴨的蒸餅及配料只需$5， 而且還是任加。而且片皮鴨相當足料，有皮有肉，不像香港只有幾塊肉。加上全程有人服侍，不收加一，最後還給了95折，讓事主認為CP值夠高！
$188韓燒套餐！事主高呼：點解仲要喺香港消費
最後一站他來到「北村韓食」，平常於香港索價要幾百蚊的韓燒套餐，來到深圳只需$188。而且套餐食物相當豐富，有鰻魚、牛、豬、菜、沙律及主食，豐富程度讓事主高呼「2個人根本食唔晒」。加上店舖主打燒活鰻魚，可以看到鰻魚生猛地游動，而店員全程服侍，並會主動燒肉，如此高質的服務質素及食物質素，讓事主不禁高呼「點解仲要喺香港消費」，並且認為港人於香港消費根本是交智商稅。
網民直言：淨計食物安全已經收你皮
不過帖文一出後，引來網民不同迴響。網民認為「淨計食物安全已經收你皮」、「睇見豬啲色水都照擺入口！」，認為於深圳消費，其食物安全才是最令人關注。
另外亦有網民一看到片皮鴨半隻已索價$158， 已經覺得太貴。直言「158人民幣一隻，片埋就合理價！得一半，商家佬真係Fat Fat呀」、「香港呢口價其實都大把片皮鴨！返大陸Time Cost、車費等加埋就真係交智商稅」，認為其實這個價錢的片皮鴨，香港都吃到。
也有人分析深圳物價平，全因為那裏的人民人工不高，故消費水平也低，故當你拿著香港薪水去消費，自然會覺得便宜。但是其實去其他國家都有同樣享受，不一定要到深圳。而且香港餐廳租金昂貴，餐廳收入很多時候都要分到租金及伙記薪水上，故認為兩者根本不能相提並論。
深圳迷：深圳平一半又唔洗受氣
但亦有網民支持事主，認為於深圳消費確實相當便宜。有網民認為「深圳消費比香港平一半，又唔洗受氣」、「上邊啲鰻魚真係好好食！最重要係服務態度一流，好過香港嗰班叫一叫都西口西面」，看來大家最在意，是店員的服務態度。
資料來源：連登討論區
