港人大讚深圳早餐 價錢平又有營養 網民竟撐事主：香港真係輸晒！

連登網民大讚深圳早餐！直踩香港早餐無難度＋收得貴

早餐作為不少人開啟一天的主要食糧，有些人會選擇以輕便麵包為主，圖它夠平夠方便；也有些人會喜愛以套餐，例如沙嗲牛肉麵、餐蛋麵等，飽腹感十足。不過連登討論區就有網民大讚深圳的早餐，直言「深圳啲早餐真係想比好嘢你食！」，更指選擇夠豐富，又有蒸包、餃子、腸粉等，全都是價錢便宜且有營養。

樓主更於帖文貼出一碗枸杞肉丸湯的照片，指於香港很難有機會一早有湯落肚暖胃，最大機會能嘗到湯的只有公仔麵湯。

再者，反觀香港早餐，樓主認為多數餐廳提供如餐蛋麵等餐點，或者All Day Breakfast配茄汁豆的組合，款式既少且煮法簡單，故直指「全無難度又收到好貴」。

網民今次反撐事主：香港出街食早餐真係交智商稅

而帖文一出後，不少網民就今次議題上支持事主。有人指「喺香港出街食早餐真係交智商稅」、「咁講真，平價已經贏咗香港」、「早餐選擇嚟講，亞洲地區，香港真係輸晒」。

網民憑一款餐點反駁事主

不過亦有網民指出其實香港尚有很多美食，例如飲茶，點心選擇必定夠豐富；或者很多舊式粉麵檔都有粥、油炸鬼、腸粉等選擇，是取決於食客會想吃中式或西式。更有網民指出樓主只計了餐蛋麵，但遺留了最受港人歡迎的茶餐廳美食——沙嗲牛肉麵，看來沙嗲牛肉麵在港人心中的地位仍然屹立不倒！