九龍城方榮記天價沙嗲牛肉麵引熱議 網民推薦同店另一抵食之選

九龍城方榮記天價沙嗲牛肉麵引熱議

九龍城方榮記近年不時在網絡引起熱議，有人大讚其濃郁的沙嗲湯底一絕，也有人認為食物質素參差，而且價格偏貴。而今次成為熱話的，就是只有中午才會提供的沙嗲牛肉麵。有網友在Facebook 群組「香港茶餐廳關注組」貼上餐廳一張推介餐單，其中沙嗲牛肉麵要價$70、沙嗲牛肉湯更要$130！沙嗲牛肉麵在一般港式茶餐廳價錢大約是$35-$55 ，有些早餐連飲品也不會超過$40，因此網民也不禁質疑方榮記的沙嗲牛肉麵「好好好食？」

網民意見分兩派：咁貴搵鬼食 vs其實值得

方榮記的餐單引起網民熱烈討論，有網民認為價錢太貴，嘲指這個價錢是「日元或台幣？」、「泰幣定台幣？」；有網民指這是「超級傻仔價」、「搵鬼食咩？咁貴！」、「咩嘢沙爹咁巴閉，咩嘢牛肉咁駕勢」、「煮個出前一丁、開個沙爹牛罐頭都平過佢幾倍」，更有網民搞笑指「食完沙爹牛肉麵比返個湯佢，收X返佢60蚊」，認為這個價錢吃沙嗲牛肉麵不值得。

不過也有網民持相反意見，認為這個湯底配搭鮮牛肉，$70來說其實值得：「請問全港仲有邊間用咁靚嘅鮮牛肉做沙爹？所以我覺得超級好食，物有所值！」、「佢牛肉係幾靚嘅，同埋份量多」、「係好食嘅，用鮮牛同大光麵滾沙爹湯」、「方榮記嘅話個沙嗲又真係幾得」；也有網民投出「日本百幾蚊一個豬骨拉麵就可以？香港70蚊一個沙嗲牛就嫌太貴？」、「其實明碼實價冇話貴唔貴，如果30文碗食一啖已經唔再食咁又貴唔貴？」。

香港沙爹牛肉麵關注組推薦同店另一抵食之選

「香港沙爹牛肉麵關注組」也不時有網民分享方榮記的食物，有網民試過這個$70的沙嗲牛肉麵的確夠濃，牛肉也好味，不過「試一次就夠」，也有網民認為想食沙嗲牛的話，其實店內有其他平靚正之選：「午市炒粉炒麵飯$38，有沙爹牛炒粉面飯」、「個沙嗲牛肉炸米就幾好食」，豐儉由人。