格仔餅
格仔餅

格仔餅想多醬要另加$5引熱議!網民大鬧餐廳貪心:咁走醬係咪減返$5

飲食熱話

廣告

格仔餅作為港人常吃的街頭小食,平時柯打必會要多醬,務求可以啖啖香甜滋味。不過有網民發現於澳門有間餐廳最近發文表示,夾餅只需加$5就可以要求多醬,引起網民熱議,有不少網友留言大指餐廳貪心,立即睇睇!

澳門餐廳發文:格仔餅加$5即可多醬

格仔餅憑著外脆內軟的口感,成為了港人愛吃的街頭美食。柯打時必定會要求多醬,多牛油、多砂糖、多煉奶、多花生醬,希望每一口都能吃到滿滿的醬料。然而最近於澳門有間餐廳發文表示「為滿足客人需要,夾餅可以要求多醬!加多5蚊就得啦!」,只見圖片中的夾餅醬料份量十足,煉奶幾乎佈滿每一個格仔,花生醬滿瀉,隱約見到牛油,確實有誠意。

格仔餅 格仔餅是港人愛吃的街頭美食,柯打時必定會要求多醬。
格仔餅是港人愛吃的街頭美食,柯打時必定會要求多醬。(圖片來源:Facebook@Payton’s pastry&fruit-柏倫甜品水果店)
格仔餅 不過最近有澳門餐廳發文指,只需加$5就可以要求多醬。
不過最近有澳門餐廳發文指,只需加$5就可以要求多醬。(圖片來源:Facebook@Payton’s pastry&fruit-柏倫甜品水果店)
格仔餅 不過該帖文卻引起網友熱議!
不過該帖文卻引起網友熱議!(圖片來源:新假期編輯部)

網友大鬧餐廳貪心!

不過此帖文一出,立即引來網友熱議。有不少網友怒斥餐廳過於貪心,因為格仔餅多醬是應該,不用額外加多$5, 更笑言要是食客叫少醬,可否減5蚊。亦有心水清的網友直言舖頭要賺到盡,才出此下策。也有網友認為「多醬有鬼用,咪滴到周地都係」,指出其實醬料不用多,正常份量就夠,而且一食「命都短幾年。」。

格仔餅 有網友怒斥餐廳貪心,認為格仔餅多醬是應該。
有網友怒斥餐廳貪心,認為格仔餅多醬是應該。(圖片來源:Facebook@Payton’s pastry&fruit-柏倫甜品水果店)
格仔餅 也有人指出其實醬料份量正常就夠,多醬反而會吃得狼狽。
也有人指出其實醬料份量正常就夠,多醬反而會吃得狼狽。(圖片來源:Facebook@Payton’s pastry&fruit-柏倫甜品水果店)

網友反道:無改名做窩夫收你八十蚊唔算貪

另一方面,亦有網友認為餐廳有講明就得,起碼是顧客自己選擇,想食多點就加錢。而且有人指出其實花生醬成本也不平,更以麥當勞加5蚊加大薯條作例子,「薯條都係多少少,汽水更加唔值錢」,認為合理。最後有網友道出盲點,指出「餐廳無改名做窩夫收你80蚊唔算貪」,所以支持舖頭做法。

格仔餅 也有人以麥當勞加大餐作例子,表示其實加大薯條也只是多少少。
也有人以麥當勞加大餐作例子,表示其實加大薯條也只是多少少。(圖片來源:新假期編輯部)
格仔餅 有網友道出真相,其實餐廳沒有改名做窩夫再提高價錢已算有良心。
有網友道出真相,其實餐廳沒有改名做窩夫再提高價錢已算有良心。(圖片來源:新假期編輯部)

最後餐廳亦覺得這個話題糾纏了太久,忍不住再出Post講解,唔多醬咪唔駛加$5囉!更希望大家的討論告一段落!

格仔餅
(圖片來源:Facebook@Payton’s pastry&fruit-柏倫甜品水果店)

關鍵詞
飲食熱話
圖片來源:新假期編輯部、Facebook@Payton's pastry&fruit-柏倫甜品水果店