港人新加坡餐廳用餐時大聲傾偈 無視職員勸喻嘈走食客 結局超尷尬

港人新加坡大聲傾偈 無視職員勸喻嘈走食客 結局超尷尬

樓主在Facebook群組「西環變幻時」發文，稱日前在新加坡歐南園鄰近的某間書店cafe歎下午茶，表示當時有一行十多人的食客用餐，當中包括最少兩名港人，他稱「最嘈就係嗰兩個香港人，講嘢愈講愈興起就愈大聲，影響他人閱讀」。

兩人懶理店員提醒

由於該兩名港人談話聲音嘈吵，嚴重影響其他人閱讀，店經理更要出面提醒，要兩人保持安靜，然而兩人卻未有收斂，及後再被其他員工提醒，但很快又故態復萌，甚至「嘈到其他食客走晒」，最終被新一批顧客大聲喊「Sh…」，示意兩人安靜，氣氛尷尬。

香港人影衰香港人

樓主目擊事件的經過，大無感嘆，稱「我就冇理佢哋講乜…但係員工兼顧客對香港人印象一定有負面影響」，事主同時提醒各位香港人出外都要自律一下，為別人着想。帖文一出隨即引起網友熱烈討論，稱香港人經常有失禮行為，有住台灣的港人表示「捷運同旅遊區遇過太多講嘢好大聲嘅香港人，仲要完全唔知自己講嘢大聲，全世界望住都唔識收斂」，亦有人留言指「香港有幾多人真係會『為別人着想』，字典裏面有『自律』」，甚至表示「香港人都愈來愈多呢啲人，搭車電話開大聲，講電話大大聲，講嘢大大聲完全唔覺得騷擾人」。

不過亦有網民表示，「無品」的人在不同地方都存在，稱「歧視唔係因為你係乜嘢人，而係你嘅行為」。