香港人接受搭枱文化＝侮辱自己！網民一句道出可悲真相：係被逼接受

連登：「香港人接受搭枱文化＝侮辱自己！」

平常一到午市或晚市的繁忙時段，由於人數眾多，故不時會出現搭枱情況。2人枱或 4人枱很多時候都會出現這情況，2個或4個互不相識的食客因為搭枱而坐在同一桌上用餐，趕快用完餐後便馬上離開。不過最近於連登討論區，有網民以「點解香港人接受搭抬文化」為題發文，表示認為接受搭枱文化就等於侮辱自己，4人卡位明明4個都不相識卻坐在一起。

兩極化留言！介意咪畀貴啲去高級餐廳 VS 寧願唔食！

帖文一出後，立即引來網民熱烈討論，而留言亦相當兩極化。有網民認為若然樓主介意，可以去高級餐廳用餐。有人看價錢而決定自己會否願意搭枱，表示「文華廳咪唔洗搭枱囉！」、「接唔接受到係睇價錢」、「你比幾錢先？食垃圾餐廳有垃圾服務好正常」、「介意咪畀貴啲去高級餐廳」、「有錢洗鬼搭枱咩？」。

也有網民表示自己是逼於無奈接受，表示「因為唔俾人搭枱就會俾人鬧俾人公審，俾全世界話唔識體諒無枱嘅人」。另外由於香港地少租貴，加上食飯時間短，故只能夠接受搭枱。加上自己去的是茶餐廳，那麼就不能要求甚麼質素，唯求趕快吃完趕快走。

不過亦有網民直言自小已經會搭枱，故認為沒有甚麼問題。且表示「4人枱對角搭枱已經係最舒服嘅搭枱」、「幾草嘢是但啦。Lunch得一粒鐘，排得隊嚟都唔使食，最緊要快」。

另一方面，也有網民支持樓主的想法，無法接受搭枱。有網民表示「4人枱坐滿4個仲要勁逼真係痴線」；亦有人表示最怕搭枱時遇上怪人，例如大聲講電話、身體發出異味、吃東西發出聲音、撩牙彈到四處都是。

加上由於疫情期間，大家會由於衛生問題而拒絕搭枱，怕對面食客口水會噴過來，故表示若然要搭枱，自己會選擇不吃，或是買外賣回家吃。

資料來源：連登討論區