食客買大陸手打檸檬茶怒轟「感覺被騙」：一啖飲完！

食客轟手打檸檬茶呃錢：一啖飲完！

大陸連鎖飲品店LINLEE憑其招牌手打檸檬茶打響名堂，分店遍佈全國多個地方，最近更進駐香港連開5間分店，擴張節奏相當迅速。近日有港人於Facebook群組發帖大鬧現時流行的手打檸檬茶呃錢，他分享了自己於LINLEE買了一杯招牌手打檸檬茶，售價為$30/杯，但他就狠插飲品全杯都是杯，而且更「塞咗一個檸檬入個杯度」，他表示「一啖飲完，真係多一啖都冇」，怒轟「感覺被騙」！

網民炮轟：香精檸檬茶！

不少網民讚同事主，怒轟手打檸檬茶相當騙錢：「之前小紅書吹到大一大，仲話『讓香港人見識一下』，交智商稅啦」、「同我第一次亦係唯一一次飲後感一樣~」、「超級唔抵！！今日係中環買佐一杯真係兩啖無！！！中環仲34蚊一杯！！！」。有人就大鬧根本是「香精檸檬茶」，「韭菜飲品…」、「非主流檸檬茶，糖精、香精添加劑整成」、「香精檸檬茶，飲咗一次唔會再飲」。

但亦有網民指是因為飲品來港後因應物價而變貴，若是在大陸則價錢合理好多，「深圳¥18+大一個碼再加有玩具送」、「香港非常唔抵飲」，事主回覆指「如果正常份量$30我係接受，但呢間啲冰多到真係呃人」。另有網民就質疑事主為何不叫走冰，事主就解釋指「可能你未飲過，呢款檸檬茶係唔可以揀冰量，即係唔可以走冰或少冰」